Túrkistan qalasynda Esim han alańyna jańadan kórik bergen «Gúlder» saiabaǵy búgin resmi túrde ashyldy, dep habarlaidy "Ult aqparat" oblysy ákiminiń baspasóz qyzmetine silteme jasap.
Saltanatty sharaǵa oblys ákimi Ómirzaq Shókeev pen qala əkimi Rashid Aiýpov, sondai-aq, ziialy qaýym ókilderi kelip, gúlzarly orynnyń lentasyn qidy.
«Elimizdiń jaýharyna ainalatyn Túrkistandaǵy árbir nysan biz úshin asa mańyzdy. Mundai oryndardy jańǵyrtý arqyly, biz turǵyndarǵa jailylyq pen yńǵailylyq tanytýdy kózdeimiz. Endeshe, jańa saiabaq qutty bolsyn! Týystaryńyz, dos-jarandaryńyzben keremet kesh ótkizýdiń taptyrmas orny bolaryna kámil senimdimin», – dedi saiabaqtyń saltanatty ashylýyna qatysqan aimaq basshysy Ómirzaq Shókeev.
Aita keteiik, atalǵan demalys ornyn salǵan merdiger «Túrkistan jaryq-tazalyq» JShS. Abattandyrý jumystaryna eki aidyń kóleminde ýaqyt ketken. Demalys ornynda diametri 35 metrlik sýburqaq, 10 úlken jáne 72 kishi jaryqshamdar, hobbitter úii, ortalyqtar, kógal jáne gúlder qoiylǵan. Aldaǵy kóktemde munda raýshan jáne basqa da san alýan túrli gúlder egiledi.
Túrkistanda saiabaqtar sany aldaǵy ýayqtta arta túsetin bolady. Olardyń barlyǵy bir-birin qaitalamaityn ózindik ereksheligi bolmaq.
Jaqyn ýaqytta qurylys jumystary qarqyndy júrip jatqan Otyrar móltek aýdanyndaǵy ákimshilik-iskerlik ortalyqta jańa alań boi kótermek. Jyl sońyna deiin Túrkistan qalasyndaǵy «Jeńis» saiabaǵy men kishi alleia qaita jóndeý jumystarynan keiin paidalanýǵa berilmek. Sonymen qatar, qalanyń shetki aýmaǵynda salynyp jatqan taǵy da segiz alleianyń ashylýy kútilýde.
