Halyq aldynda onlain esep bergen Mádeniet jáne sport ministri Aqtoty Raiymqulova Túrkistandy túrlendirý baǵytynda atqarylǵan sharýalar týraly málimet berdi, dep habarlaidy "Ult aqparat".
«Túrkistannyń tarihi ortalyǵyn qalpyna keltirý boiynsha Áziret Sultan mýzei-qoryǵynyń árbir nysanyn damytýdyń tujyrymdamalyq jospary ázirlendi. Qoldanystaǵy materialdardy barynsha saqtai otyryp Qoja Ahmet Iasaýi kesenesiniń bas kúmbezi jańartyldy, Qazaq handarynyń resmi qabyldaýlary ótkizilgen – Úlken Aqsarai zaly sol zamannyń ulttyq naqyshynda renovatsiialandy», - degen ministr.
Onyń aitýynsha, kesene men Jeti Ata qaqpasynyń arasynan ótetin magistraldy kóshe qaita tóselip, qolóner dúkenderi men sheberhanalar qalpyna keltirilip jatyr. Ǵ ylymi-qalpyna keltirý jumystarymen qatar kesene aýmaǵyn abattandyrý da qarqyndy jalǵasyp jatyr.
«Sonyń sheńberinde kóleńkeli dálizderdi, oryndyqtardy ornalastyrý, sondai-aq keseneniń búkil aýmaǵyn landshaftyq sáýletpen, sýburqaqtarmen, ashyq aivandarmen (dalan) jaqsartý arqyly kelýshiler úshin qolaily jaǵdai jasalady. Sondai-aq Iassy baǵyn qurý kózdeledi jáne osylaisha tarihi landshaftty jandandyrý josparlanýda», - dedi vedomstvo basshysy.
