Túrkistan qalasynyń mádeni-rýhani ortalyǵynda ornalasqan «Kerýen sarai» týristik kesheninde álemde teńdesi joq ushatyn teatr ashylady, dep habarlaidy oblystyq ákimdiktiń baspasóz qyzmeti.
Qaladaǵy qurylys alańdaryn aralaǵan oblys ákimi Ómirzaq Shókeev demalys ortalyǵynyń ashylýǵa daiyndyq barysymen tanysty.
Joba avtorlarynyń aitýynsha, qiial-ǵajaiyp ortalyq Samuryq qustyń jumyrtqasy halyq ańyzyna negizdelgen. Báiterektiń butaǵyndaǵy uiasyna kelip, kieli Samuryq qus kún beineli altyn jumyrtqa salady. Dál osy altyn tústi alyp jumyrtqa kelbetindegi erekshe teatrda Báiteregimiz siiaqty siqyrly ertegiler eline, qazaq halqynyń tarihyna jańa tehnologiialardyń kómegimen, 8 D formatta áserli saiahat jasaýǵa bolady. Elimizdiń ótkeni, búgingisi men kelesheginiń kórinisi osy teatr-mýzeide kórsetiledi. Shyǵys úlgisinde salynǵan keshen – kieli shaharǵa keletin meimandardyń súiikti demalys ornyna ainalary sózsiz.
Túrkistan qalasynyń ákimshilik iskerlik ortalyǵy (ADTs) aýmaǵynda ákimshilik ǵimarattar men kópqabatty 24 úidiń qasbetterin bir úlgide jaryqtandyrý jumystary júrgizilýde. Qaladaǵy ǵimarattardyń ainalasy kógaldandyrylyp, jaryqtandyrylýda.
Qalanyń basty kóshelerine túngi jaryqtandyrý jumystary júrgizildi.
Sondai-aq Iasaýi kesenesiniń aldynda erekshe jaryqshamdar ornatyldy. Minskiden arnaiy aldyrylǵan aǵash keipindegi baqsha jaryqshamdary túnde ainalany san alýan túske bólese, kúndiz salqyn sý shashyp, aptap ystyqtan qorǵaityn bolady.
Oblys ákimi Ómirzaq Shókeev osy qarqyndy jumystardyń barysyn baqylap, jaýapty tulǵalarǵa naqty tapsyrmalar júktedi. «Dendrosaiabaq» pen «Attraktsiondar parki» arasynda jańa kópir salý josparlanýda. Sonymen qatar «Jibek joly» saiabaǵy, B.Sattarhanov boiyndaǵy «Jelilik saiabaǵy» ásemdelip, qonaq úiler jaryqtandyrylady. Oblys basshysy B.Sattarhanov dańǵylyndaǵy turǵyn úilerdiń, kásipkerlik nysandardyń syrtqy kelbetterin jáne «Rámizder alańy» men «Túrki baǵyn» retke keltirý jumystarymen tanysty. Bul jumystar kásipkerler men turǵyndardyń kúshterimen júrgizilip jatyr.
