Túrkistanda Túrkitildes elderdiń halyqaralyq jastar sammiti aiaqtaldy, dep habarlaidy "Ult aqparat".
Búgin túrkitildes elder jastarynyń ókilderi Qazaqstan Respýblikasy Táýelsizdiginiń 30 jyldyǵyna arnalǵan «Túrki elderi jastarynyń alleiasynyń» ashylýyna qatysty.
21-23 maýsym aralyǵynda Túrkistan qalasynda Túrki elderiniń jastar kóshbasshylary men belsendileriniń «Túrkistan-Túrki áleminiń besigi» atty sammiti ótken bolatyn.
Sammit aiasynda Qoja Ahmet Iasaýi atyndaǵy Túrkistan ýniversitetinde sammitke qatysýshy elderdiń Jastar uiymdary arasynda yntymaqtastyq týraly memorandýmdarǵa qol qoiylyp, túrki tarihy men mádenietiniń ózekti taqyryptaryna arnalǵan seminarlar uiymdastyryldy.
Túrkistandaǵy Halyqaralyq Jastar sammitiniń sońǵy kúni qatysýshylar men qonaqtar Arystan bab kesenesine, Otyrar qalashyǵyna, Aqmeshit úńgirine jáne jalpy túrki jáne qazaq tarihynyń basqa da oryndaryna bardy.
Eske sala keteiik, sammittiń oflain jáne onlain formattaryndaǵy is-sharalaryna Qazaqstan, Túrkiia, Ózbekstan, Qyrǵyzstan, Ázerbaijan, Túrikmenstan, Vengriia, sondai-aq Resei Federatsiiasynyń Tatarstan jáne Bashqurtstan sýbektilerinen 200-ge jýyq jastar kóshbasshylary men belsendileri qatysty.
Sammittiń negizgi maqsaty: túrki elderiniń jastaryn ortaq tarih, mádeniet, dástúr men qundylyqtar, sondai-aq túrki áleminiń bolashaq damýyna ortaq kózqaras negizinde toptastyrý; «Túrkistan-Túrki áleminiń rýhani astanasy» ideiasyn ilgeriletý.
