Búgin Túrkistan qalasynda «TÚRKISTAN MEDIA» halyqaralyq ortalyǵy men «TÚRKISTAN» intellektýaldy klýby ashyldy. Saltanatty sharaǵa elimizben qatar Túrkiia, Ázerbaijan, Ózbekstan, Tatarstan jáne Qyrǵyzstan respýblikalary aqparat quraldarynyń jetekshileri men ókilderi qatysty, dep habarlaidy "Ult aqparat".
Media ortalyqta brifing jáne shaǵyn keńester ótkizetin oryndar bar. Jumys isteýge qajetti jańa jihazdarmen, kompiýterlermen jáne ǵalamtor jelisimen tolyqtai qamtylǵan. Munda Túrkistan oblysynyń Óńirlik kommýnikatsiialar qyzmeti, Túrkistandaǵy Q.A.Iasaýi atyndaǵy HQTÝ-dyń stýdentterinen quralǵan erikti jas jýrnalister klýby jumys isteidi. 70 adamǵa laiyqtalǵan zaly bar. Media ortalyq arqyly túrik, ázirbaijan, orys, ózbek, qyrǵyz tilderinde aqparat taratylady. Ortalyqtyń ashylý saltanatyna qatysqan Túrkistan oblysynyń ákimi Janseiit Túimebaev «TÚRKISTAN MEDIA»Túrkistannyń Túrki áleminiń rýhani ári aqparattyq ortalyǵyna ainalýyna serpin beretinin jetkizdi.
«Túrkistanǵa kelip jatqan BAQ ókilderine jaǵdai jasaýdy qarastyryp, osy ortalyqty ashyp otyrmyz. Ortalyqta Qazaqstan men Túrkistan oblysy týraly aqparattardy aǵylshyn tilinde de taratý kózdelip otyr. Qasietti qalaǵa kelgen otandyq jáne sheteldik jýrnalister aqparat taratýda ortalyqtyń qyzmetin aqysyz paidalana alady. Osy arqyly Túrkistan oblysy men Túrkistan qalasynyń týristik áleýeti joǵarylap, investitsiialyq tartymdylyǵy artady degen senim bar», - dedi Janseiit Túimebaev.
Óz kezeginde Qazaqstandyq jáne sheteldik BAQ basshylary media ortalyqtyń tusaýyn kesip, igi bastamaǵa sáttilik tiledi. Osyndaǵy jas jýrnalistermen jáne stýdenttermen kezdesip, pikir almasty.
Aita keteiik, «TÚRKISTAN» intellektýaldy klýbynda túrli taqyryptarda basqosýlar, dóńgelek ústelder men el rýhaniiatyna oń yqpal etetin jiyndar ótkizilip turady. Elimizdiń intellektýaldy tulǵalary klýbtyń otyrysyna arnaiy shaqyrtylyp, túrli oilary men utymdy usynystaryn ortaǵa salady. Bul kezdesýler telearnalar men áleýmettik jelilerde arnaiy baǵdarlama retinde kórsetiledi.
Sondai-aq «TÚRKISTAN» intellektýaldy klýbynyń birinshi otyrysy ótip, alǵashqy spikerler retinde oblys ákimi Janseiit Túimebaev pen tanymal pýblitsister Túrkistannyń damýy jónindegi oilaryn ortaǵa saldy.
