Qazaqstannyń sot júiesin damytý boiynsha aiqyndalǵan jeti basym baǵyttyń biri "E-Sot" jobasy sheńberinde "Virtýaldy sot" pilottyq jobasy iske qosylǵan bolatyn.
Atalǵan joba aiasynda taraptar smartfondaryna ornatylǵan "TrueConf" qosymshasy arqyly sot protsesine beinebailanys arqyly onlain rejimde tikelei qosyla alady. Búgin bul týraly Túrkistan oblysynyń Óńirlik kommýnikatsiialar qyzmetinde ótken brifingte Túrkistan oblystyq sotynyń sýdiasy Búrkit Baidýllaev málimdedi.
Onyń aitýynsha, sot protsesterin virtýaldy ótkizý sot tóreligin júzege asyrýdaǵy aýmaqtyq kedergilerdi joiyp, ýaqyt jáne materialdyq resýrstardy únemdep, sot tóreligine sheksiz jáne yńǵaily qol jetkizýdi qamtamasyz etedi.
"Aǵymdaǵy jyldyń 9 aiynyń qorytyndysy boiynsha dybys-beine jazba qurylǵylarymen oblys boiynsha 14 650 is qaralsa, ótken jyldyń tiisti kezeńinde 12 033 is sheshimin tapqan. Sondai-aq, jyl basynan oblystyń aýdandyq jáne oǵan teńestirilgen sottarǵa barlyǵy 29 368 talap qoiý aryzy túsip, ótken jyldyń osy kezeńimen salystyrǵanda 10,4 paiyzǵa kemigen. Al tatýlastyrý rásimderi qoldanylyp jalpy sany - 1045 is aiaqtaldy. Bul barlyq qaraýmen aiaqtalǵan isterdiń 3,8 paiyzyn quraidy", - dedi Búrkit Jumabaiuly.
Baspasóz máslihatyna qatysqan Túrkistan oblystyq sotynyń sýdiasy Aianbek Toqsanbaevtyń aitýynsha, sot qyzmetin ońtailandyrý, halyqqa yńǵaily, ashyq, qoljetimdi etýge baǵyttalǵan "Sot tóreliginiń 7 túiini" baǵdarlamasy aiasyndaǵy pilottyq jobalardy óńirde qoldanysqa keńinen engizý úshin aitarlyqtai jumystar atqarylǵan.
"Túrkistan oblysy boiynsha mamandandyrylǵan sottardyń ǵimarattarynda mediatsiia kabineti, front-ofister ashyldy. Ortalyq arnaiy tehnikamen jabdyqtalǵan jáne azamattarǵa sotqa beretin aryzdardyń tártibi týraly aqparat alýǵa, mediatormen nemese advokatpen keńese otyryp, quqyqtyq máselelerdiń sheshimin tabýǵa, sondai-aq, sotta qaralyp jatqan ótinishterdiń mán-jaiy týraly bilýge múmkindikter jasalǵan. Sonymen qatar, mediatorlar men advokattarǵa jáne azamattarǵa ispen tanysýǵa arnalǵan kabinetter qarastyryldy. Ortalyqqa kelýshiler qajetti aqparat alyp, sotqa qajetti qujattaryn tapsyra alady. Budan bólek, tirkeý talony boiynsha "Sot kabineti" servisi arqyly istiń barlyq qozǵalysyn baqylap otyrýǵa múmkindigi bar", - dedi Aianbek Bekejanuly.
Aita keterligi, "Úlgili sot" baǵdarlamasyn iske asyrý sheńberinde óńirde "Sýdia kómekshisi" pilottyq jobasy iske qosylǵan. Jobanyń negizgi maqsaty - sottar jumysynyń tiimdiligin arttyrý, sot tóreliginiń sapasyn jaqsartyp, sýdialar men sot qyzmetkerleriniń jumystaryn ońtailandyrý.
