Búgin Túrkistanda «Amanat» partiiasy Túrkistan oblystyq filialynyń aktiv jiyny ótti. Kún tártibinde Memleket basshysy Qasym-Jomart Toqaevtyń «ÁDILETTI MEMLEKET. BIRTUTAS ULT. BEREKELI QOǴAM» atty Qazaqstan halqyna arnaǵan joldaýyn qoldaý jáne nasihattaý jumystaryn uiymdastyrý jaiy talqylandy.
Májiliske Túrkistan oblystyq máslihat hatshysy Qairat Balabiev, «Amanat» partiiasy Túrkistan óńirlik filialynyń Atqarýshy hatshysy Beisen Tájibaev, barlyq deńgeidegi máslihat depýtattary, partiia filialdarynyń Atqarýshy hatshylary, partiia ardagerleri men músheleri, BPU tóraǵalary, «Jastar rýhy» jastar qanatynyń ókilderi qatysty.
Aktiv otyrysyn ashyp júrgizgen B.Tájibaev 5 baǵyttan turatyn Joldaýdyń negizgi basymdyqtaryna toqtaldy. Aitýynsha, bul joly «Azamat – biznes – memleket» arasyndaǵy qatynasty túbegeili ózgertý arqyly el ekonomikasyna jańa serpilis beretin aýqymdy jobalar júzege asyrylady. Ol atalǵan baǵyt boiynsha partiianyń qolǵa alǵan sharalary men atqarylyp jatqan jumystar jaily baiandady.
«Joldaý eldegi saiasi-ekonomikalyq transformatsiialaýdyń zańdy jalǵasy dep sanaimyn. Biz halyq arasyndaǵy jańa liderlerdi anyqtap, olardy saiasi uiym qataryna tarta otyryp, partiia ambassadorlaryna ainaldyrý, aýdandardaǵy ózekti máselelerdi kóterý jáne sheshý joldaryn qarastyrý, partiia múshelerin yntalandyrý maqsatynda 2 jobany júzege asyrýdamyz. Birinshisi - ártúrli sala mamandarynan quralǵan komandalar qatysatyn «AMANAT AQYLMAN» intellektýaldy oiyny bolsa, keiingisi «AMANAT – LIDER» pikirsaiys týrniri. Bul jobalardyń aýdandyq deńgeidegi is-sharalary bastalyp ketti. Qarapaiym partiia músheleri de bul jobalarǵa qyzyǵýshylyq tanytýda. El Prezidenti memlekettik institýttardy keshendi túrde qaita jańǵyrtýǵa kiristi. Bizdiń partiia filialdary únemi sailaýǵa daiyndyq ústinde. Olai deitinimiz byltyrdan bastap aýdandyq filialdar jergilikti jerdegi aýyl ákimderin sailaýǵa tikelei qatysýda. Búginge deiin oblys kóleminde 79 aýyl ákimi sailaýy ótse, sailanǵan ákimderdiń 95%-y bizdiń partiialastarymyz. Biz osy bastan óte qiyn saiasi kezeńderden turaqtylyqty saqtap ótýdiń josparyn qarastyrýymyz kerek», – dedi Beisen Dáýletuly.
Memleket basshysy Joldaýda «Kásibilik pen eńbekqorlyq qoǵamymyzda eń joǵary orynda turýy qajet. Elimizde eńbekqor adam, kásibi maman eń syily adam bolýǵa tiis. Osyndai azamattar memleketimizdi damytady» dep eńbek adamdaryna qoldaý bildirdi. Osyǵan orai, Túrkistan oblysynyń bilim jáne jeńil ónerkásip salasyna aitarlyqtai úles qosyp jatqan qarapaiym el azamattarynyń jańa reformalar jaiynda oi-pikirleri tyńdaldy.
Atap aitqanda, jeke qarajaty esebinen 9 balabaqsha jáne 8 mektepti salyp, oqýshylardyń tegin bilim alýyna jaǵdai jasaǵan Nizamhan Súleimenov Joldaýdaǵy úshinshi baǵdar iaǵni sapaly bilim berý jáne zaman talabyna sai mekteptermen qamtý máselesin tolyq qoldaitynyn jetkizdi. Al, Daniiar Kóbeev 10 jyldan beri tigin fabrikasyn júrgizip, aýyl sharýashylyǵy salasynda birshama jetistikterge jetken. Ol agrosala men jeńil ónerkásip úshin qosymsha qun salyǵyn esepteýde jeńildikter qarastyrylýy kerektigin atap ótti. Joldaýdaǵy kishi jáne orta bizneske kórsetiletin qoldaý baǵyty jastardyń kásippen ainalysyp, tabys arttyrýyna septigi mol ekenin aitty. Sonymen qatar, Túrkistan qalalyq Oqýshylar saraiynyń direktory Indira Ikapova da bilim berý júiesi boiynsha oblys ortalyǵynda atqarylǵan jobalarmen tanystyrdy.
Partiialyq aktiv otyrysyn qorytyndylaǵan Qairat Rahymuly elimizdiń uzaq múddesine sai jumys jasaýdy, Joldaýdy jan-jaqty nasihattaýdy, saiasi máselelerdi jedel sheshýdi, partiianyń barlyq kúshin jumyldyra otyryp aldaǵy sailaýlarǵa daiyndyq júrgizýdi usynyp, jiyn qatysýshylaryn belsene atsalysýǵa shaqyrdy.
