Búgin Túrkistan qalasynda ótken «Kieli Túrkistan jáne Túrki dúniesiniń rýhani jańǵyrýy» atty ǵylymi-teoriialyq konferentsiiada birqatar ǵalymdar men qairatkerler jáne BAQ ókilderi marapattaldy.
Biyl kóne túrki jazýynyń alǵash oqylǵanyna 125 jyl tolyp otyr. Osyǵan orai, jazýdy alǵash oqyǵan ǵalymnyń atyndaǵy syilyq ázirlengen bolatyn. Týrkologiia salasyna ǵalym ári saiasatker retinde eńbek sińire bilgen Túrkistan oblysynyń ákimi Janseiit Túimebaevqa osy Vilgelm Tomsen medaly saltanatty túrde tapsyryldy. Óńir basshysymen birge 4 ǵalym atalǵan medalmen marapattaldy.
Konferentsiiada Túrki tildes halyqtardyń birligin, bilim, ǵylym, mádeniet salasyndaǵy jetistikterin nasihattap júrgen BAQ ókilderine TWESCO-nyń Ismail Gaspyraly atyndaǵy media syilyǵy tapsyryldy. Atalǵan syilyq biyl «Baspasóz» «Telearna» jáne «Aqparat agenttigi jáne internet» atalymdary boiynsha 6 azamatqa berildi.
Sonymen qatar, Túrki dúniesine qatysty jańalyqtar men eleýli oqiǵalardy mass-mediada udaiy kórsetip, túrkitildes elderdiń aqparat salasyndaǵy bailanystaryn nyǵaitýǵa úles qosyp júrgen jýrnalisterge TWESCO-nyń Alǵys hattary tabys etildi.
TWESCO biyl IýNESKO shtab-páterinde ótkizgen forýmda birqatar sheshimder qabyldady. Atap aitsaq, 2018 jyldy aqiyq aqyn Maǵjan Jumabaevtyń týǵanyna 125 jyl tolýyna orai «Maǵjan jyly», uly jazýshy Shyńǵys Aitmatovtyń 90 jyldyǵyna bailanysty «Aitmatov jyly» jáne túrki jazýynyń alǵash oqylýynyń 125 jyldyǵyna qatysty «Túrki jazýy jyly» dep jariialaǵan bolatyn. Osyǵan orai, atalǵan baǵyttarda júzege asyrylǵan jobalarǵa atsalysqan ǵalymdar men qairatkerler Akademiia tarapynan qoldaýǵa ie bolady.
Halyqaralyq ǵylymi-teoriialyq konferentsiiaǵa qatysqan qazaqstandyq jáne sheteldik delegattar Túrkistan oblysynyń qasietti oryndaryn aralap, Q.A.Iasaýi kesenesine ziiarat jasady. Tarihshylar men ǵalymdar jáne filologtar «rýhani jáne ǵylymi salalarǵa qoldaý kórsetý jalǵasyn tapsa, Túrkistannyń bolashaǵy jarqyn bolady» dei kele konferentsiiany joǵary deńgeide uiymdastyrǵan Túrkistan jurtshylyǵyna rizashylyqtaryn bildirdi.
