Túrkistan qalasynda ashyq aspan astynda ótetin dýmandy merekelerge arnalǵan jańa alań paida boldy. Shahardaǵy Esimhan alańynda álemge áigili Niý-Iork baspaldaǵy salynýda, dep habarlaidy "Ult aqparat" oblys ákiminiń baspasóz qyzmetine silteme jasap.
Ashyq aspan astynda ornalasqan erekshe dizaindy demalys ornynda open space sharalar, san alýan saiystar men festivalder ótkiziledi. Túrkistandyqtar men óńir qonaqtary úlken ekranda tegin filmder men fýtbol oiyndaryn tamashalai alady.
Turǵyndardy mádeni, rýhani jaǵynan baiytý, olardy birlikke shaqyrý, jazdyń keshki kúnderin kóńildi ótkizýge septigin tigizý maqsatynda qolǵa alynǵan jańa joba bir birdan soń iske qosylady dep josparlanýda.
Ashyq sahnaly, ainalmaly baspaldaqty demalys ornynyń biiktigi – 4,5 metr, eni – 11 metr. Erekshe sáýletimen tań qaldyratyn Niý-Iork baspaldaǵy jastar men týristerdiń súiikti demalys ornyna ainalary sózsiz.
Túrkistan qalasynda qurylys jumystary jospar boiynsha júrip jatyr. Qurylysshylar eńbek qaýipsizdigimen qatar, tótenshe jaǵdai erejelerin qatań ustanýda. Barlyq sanitarlyq talaptar kúsheitilgen.
