Túrkistan oblysynda mekteptiń burynǵy direktory laýazymdyq ókilettikterin asyra paidalanyp, muǵalimderge zańsyz biliktilik sanattaryn bergeni jáne para alǵany úshin sottaldy. Apelliatsiialyq jáne kassatsiialyq qaraýdan keiin ol kináli dep tanylyp, 4 jyl 8 aiǵa bas bostandyǵynan aiyryldy, dep habarlaidy ult.kz.
Bas prokýratýra málimetinshe, tergeý derekterine sáikes, ol memlekettik fýnktsiialardy oryndaýǵa teńestirilgen tulǵa bola otyryp, mindetti attestatsiia men testileýden ótpegen muǵalimderge negizsiz biliktilik sanattaryn rásimdegen. Sondai-aq bir muǵalimnen para alǵany anyqtaldy.
Onyń zańsyz áreketteri saldarynan 12 muǵalimge biýdjetten jalpy somasy 16 mln teńgeden astam eńbekaqy negizsiz tólengen.
Bastapqy sotta ol aqtalǵanymen, Bas prokýratýranyń narazylyǵynan keiin is qaita qaralyp, sot ony laýazymdyq ókilettikterin teris paidalaný jáne para alý boiynsha kináli dep tanydy.
Sot sheshimimen ol memlekettik qyzmette laýazym atqarý quqyǵynan ómir boiyna aiyrylyp, 4 jyl 8 aiǵa bas bostandyǵynan aiyryldy.
