Túrkistan oblysynda 1 mln. gektar jaiylymdyq jerdi memleketke qaitarý mindeti qoiylǵan. Ortaq jaiylym jyl basynan beri 639,6 myń ga jermen tolyqty. Memleket basshysy Qasym-Jomart Toqaevtyń tapsyrmasy boiynsha paidalanylmai jatqan jáne jeke menshikke jazsyz berilgen aýyl sharýashylyǵy jerlerin memleket menshigine qaitarý jóninde jumys júrgizilýde. Basty maqsat – aýyl turǵyndary úshin jaiylymǵa teń qoljetimdilikti qamtamasyz etý.
Ortaq jaiylym kólemin ulǵaitý jumystarynyń barysy Túrkistan oblysynyń ákimi Darhan Satybaldynyń tóraǵalyǵymen ótken apparat otyrysynda baiandaldy. Jer ýchaskelerin qaitarý jumystary Otyrar, Saýran aýdanymen Arys qalasynda joǵary deńgeide uiymdastyrylǵan. Báidibek, Qazyǵurt, Shardara aýdandarynda jumysty shiratý qajet.
Oblystyq jer qatynastary basqarmasynyń basshysy Erǵali Tilegenniń aitýynsha, jumysshy top tarapynan zerdeleý jumystary júrgizilip, óńirde 476,2 myń ga jaiylym jerler maqsatyna sai paidalanylmaǵandyǵy anyqtalǵan. Jer paidalanýshylarǵa habarlama berilgen. Maqsatyna sai paidalanylmaǵan jerler memleketke qaitarylady.
Apparat otyrysynda oblysta jergilikti mańyzy bar avtomobil joldarynyń jaǵdaiy men josparlanǵan jumystary týraly talqylandy. Túrkistan oblysynda avtomobil joldary men eldi meken kósheleriniń uzyndyǵy 17509,5 shaqyrymdy quraidy. Biyl qurylys-jóndeý jumystarymen jalpy 779 nysan n/e 2000 shaqyrym joldar men kóshelerdi qamtý josparlanýda. Atqarylǵan jumystardyń nátijesinde jyl qorytyndysymen jergilikti mańyzy bar avtomobil joldarynyń jaqsy jáne qanaǵatty jaǵdaidaǵy úlesin 87%-dan 92%-ǵa arttyrý josparlanýda.
Bitým tapshylyǵy men naryqtaǵy baǵasynyń kúrt qymbattaýy jol jóndeý jumystaryna tusaý bolýy múmkin. Oblystyq jolaýshylar kóligi jáne avtomobil joldary basqarmasynyń basshysy Rolan Ibragimovtyń málimdeýinshe, ken oryndar, karerler ornalasqan aýmaqtardan oblystyq mańyzy bar 1000 shaqyrymǵa jýyq avtomobil joldary arqyly aýyr júk kólikteri qatynaidy. Bul joldardyń merziminen buryn jaramsyz jaǵdaiǵa jetý qaýpi artýda. Sondyqtan balama joldarǵa avtomattandyrylǵan ólsheý stantsiiasyn ornatý usynyldy. Karerlerge tarazy ornatylýyn mindetteý de mańyzdy.
Oblys ákimi jol jóndeý máselesiniń strategiialyq mańyzy bar ekenine toqtalyp, osy saladaǵy jumysty shirata túsýdi tapsyrdy.
