Túrkistan qalasy «Samal» móltek aýdanyndaǵy kópqabatty 4 úige gaz berilip, 64 otbasy qýanyshqa keneldi, dep habarlaidy "Ult aqparat" óńirlik kommýnikatsiialar qyzmetine silteme jasap.
Oblys ákiminiń orynbasary Meiirjan Myrzaliev turǵyndarmen kezdesip, halyqty qýanyshty jańalyqpen quttyqtady.
Oblys ákiminiń orynbasary kópten beri ózekti máselege ainalǵan gazdandyrý jumystary oń sheshimin taýyp kele jatqanyn aitty.
«Bul kópqabatty úilerge gaz qubyry 5 jyl buryn tartylyp qoiǵan. Belgili sebeptermen aiaqtalmai qalǵan másele óz sheshimin taýyp otyr. Oblys basshysy Ómirzaq Shókeevtiń tapsyrmasymen búginde gazdandyrý jumystary júieli túrde júrýde. Jalpy, gazben qamtý jumystary 11 kezeńnen turady. Búginde onyń 7 kezeńi sátti iske asyryldy», - dedi Meiirjan Iiabaiuly.
Qazirgi tańda oblys ákiminiń tapsyrmasy aiasynda 104 turǵyn úige kógildir otyn jetkizilgen. Jaqyn kúnderi qosymsha taǵy 150 úige gaz beriledi. Josparǵa sáikes jyl sońyna deiin Túrkistan, Kentaý qalalary 100 paiyz gazben qamtylady.
