تٷركٸستان قالاسى «سامال» مٶلتەك اۋدانىنداعى كٶپقاباتتى 4 ٷيگە گاز بەرٸلٸپ, 64 وتباسى قۋانىشقا كەنەلدٸ, دەپ حابارلايدى "ۇلت اقپارات" ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
وبلىس ەكٸمٸنٸڭ ورىنباسارى مەيٸرجان مىرزاليەۆ تۇرعىندارمەن كەزدەسٸپ, حالىقتى قۋانىشتى جاڭالىقپەن قۇتتىقتادى.
وبلىس ەكٸمٸنٸڭ ورىنباسارى كٶپتەن بەرٸ ٶزەكتٸ مەسەلەگە اينالعان گازداندىرۋ جۇمىستارى وڭ شەشٸمٸن تاۋىپ كەلە جاتقانىن ايتتى.
«بۇل كٶپقاباتتى ٷيلەرگە گاز قۇبىرى 5 جىل بۇرىن تارتىلىپ قويعان. بەلگٸلٸ سەبەپتەرمەن اياقتالماي قالعان مەسەلە ٶز شەشٸمٸن تاۋىپ وتىر. وبلىس باسشىسى ٶمٸرزاق شٶكەەۆتٸڭ تاپسىرماسىمەن بٷگٸندە گازداندىرۋ جۇمىستارى جٷيەلٸ تٷردە جٷرۋدە. جالپى, گازبەن قامتۋ جۇمىستارى 11 كەزەڭنەن تۇرادى. بٷگٸندە ونىڭ 7 كەزەڭٸ سەتتٸ ٸسكە اسىرىلدى», - دەدٸ مەيٸرجان ييابايۇلى.
قازٸرگٸ تاڭدا وبلىس ەكٸمٸنٸڭ تاپسىرماسى اياسىندا 104 تۇرعىن ٷيگە كٶگٸلدٸر وتىن جەتكٸزٸلگەن. جاقىن كٷندەرٸ قوسىمشا تاعى 150 ٷيگە گاز بەرٸلەدٸ. جوسپارعا سەيكەس جىل سوڭىنا دەيٸن تٷركٸستان, كەنتاۋ قالالارى 100 پايىز گازبەن قامتىلادى.
