Túrkistan oblysynyń politseileri kezekti kókpar oiynyn toqtatty, dep habarlaidy "Ult aqparat" departamentke silteme jasap.
«Tólebi aýdany Momynai aýyldyq okrýginde 100-den astam turǵyn jinalyp, kókpar oiynynyń bolyp jatqandyǵy anyqtaldy. Politseiler ótkizilip jatqan kókpar oiynyn toqtatyp, halyqqa túsindirme jumystaryn júrgizdi. Sonymen qatar jinalǵan jurtty úi-úiine tarqatty», - delingen habarlamada.
Kókpar oiynyn uiymdastyrǵan jergilikti turǵynǵa qatysty QR ÁQBtK-niń 425-baby «Halyqtyń sanitariialyq-epidemiologiialyq salaýattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha is-qujattar jinaqtalyp, zańdy sheshim qabyldaý úshin SEBB-ǵa joldandy.
Óz kezeginde politseiler Túrkistan oblysynyń turǵyndary men qonaqtaryn karantin rejimi men sanitarlyq-epidemiologiialyq normalardyń talaptaryn buzbaýǵa shaqyrady. Bazarlarǵa, dúkenderge jáne adamdar kóp jinalatyn basqa jerlerge, qoǵamdyq kólikterge barǵan kezde meditsinalyq betperde kiip, antiseptikterdi paidalaný jáne áleýmettik qashyqtyqty saqtaý qajet.
