Túrkistandyq politseiler turǵyndardyń 40 millionnan astam aqshasyn alaiaqtyq jolmen aldy degen kúdikpen burynǵy bank qyzmetkerin ustady, dep habarlaidy "Ult aqparat".
Túrkistan qalalyq politsiia basqarmasyna shuǵyl habarlama kelip túsken.
Onda bankterdiń biriniń qyzmetkeri ózgelerdiń atynan nesie alǵany kórsetilgen.
Bul qylmysty túrkistandyq politseiler QR QK 190-baby «Alaiaqtyq» boiynsha tirkeýge alyp, oqiǵanyń tolyq mán-jaiyn anyqtaýǵa birden iske kiristi.
Belgili bolǵandai, bankte aǵa menedjer bolyp jumys isteitin jas jigit aldyna qandai da bir máselemen kelgen azamattardyń qujattaryn qoldana otyryp, olardyń atynan nesie rásimdep otyrǵan.
Barlyǵy 11 adamnyń atyna nesie shyǵartyp, 3 azamattyń depozitterindegi aqshalaryn jasyryn túrde aýdaryp alǵan.
Jábirlenýshilerge keltirilgen shyǵyn kólemi 40 million teńgeden asqan.
Oǵan qosa jas jigit alaiaqtyq jolmen ielengen aqshalardy qumar oiyndarǵa salyp jibergenin moiyndady.
Jáne óziniń qyzmettik mindetin asyra paidalanǵan kúdikti jergilikti turǵyn bolyp shyqty.
Túrkistan oblysy politseileri azamattarǵa ózińizge qatysty jeke, qupiia sandardy eshkimge bermeńizder dep eskertedi.
