Búgin Túrkistan qalasynda Halyqaralyq «Qazaq tili» qoǵamynyń VI quryltaiy bastaldy. Aýqymdy sharaǵa QR Memlekettik hatshysy Qyrymbek Kósherbaev, Premer-Ministrdiń orynbasary Eraly Toǵjanov, sondai-aq Bilim jáne ǵylym ministri Ashat Aimaǵambetov jáne Parlament depýtattary qatysýda, dep habarlaidy QazAqparat.
Túrkistan qalasyndaǵy «Farab» kitaphanasynda ótip jatqan quryltai, sondai-aq elimizdiń barlyq óńirinen kelgen qoǵam qairatkerleri men ziialy qaýym ókilderiniń, oblystar men qala basshylary bastaǵan delegattardyń basyn qosty.
Jinalǵan qaýym aldynda Memlekettik hatshy Qyrymbek Kósherbaev baiandama jasap, keleli basqosýdyń mańyzdylyǵyna toqtaldy.
Jiynda sondai-aq, Halyqaralyq «Qazaq tili» qoǵamynyń jańa prezidenti sailanyp, uiymnyń jańa Jarǵysy qabyldanady dep kútilýde. Ortalyq tekserý alqasynyń esebi tyńdalyp, Ortalyq keńesiniń jańa quramy tanystyrylmaq. Budan ózge Qoǵamnyń jańa baǵdarlamasy men quryltai qaýlysy qabyldanady dep kútilýde. Uiym jumysyna óz úlesterin qosyp júrgen birqatar azamattar da marapattalmaq.
