Túrkistan qalasynda «Kieli Túrkistan jáne Túrki dúniesiniń rýhani jańǵyrýy» atty ǵylymi-teoriialyq konferentsiia bastaldy.
«Rýhani jańǵyrý» baǵdarlamasy aiasyndaǵy mańyzdy jiyndy Túrkistan oblysynyń ákimdigi men Halyqaralyq Túrki Akademiiasy birlesip uiymdastyrdy. Sonymen qatar, Túrki keńesi men Qoja Ahmet Iasaýi atyndaǵy Halyqaralyq qazaq-túrik ýniversiteti de qoldaý kórsetýde. Konferentsiiany Túrkistan oblysynyń ákimi Janseiit Túimebaev ashty.
Qazir «Túrki áleminiń kieli jerleri», «Túrki dúniesiniń tuǵyrly tulǵalary» jáne «Túrki tilderi jáne jazýy» taqyryptaryndaǵy sektsiialyq otyrystar ótip jatyr.
Memleket basshysy Nursultan Nazarbaevtyń Túrki keńesiniń VI sammitinde kótergen «Túrki dúniesiniń tuǵyrly tulǵalary» jáne «Túrki áleminiń kieli jerleri» bastamalaryn júzege asyrý baǵytynda uiymdastyrylǵan ǵylymi basqosýda túrki dúniesiniń ǵylymy, mádenieti men ádebieti, túrki tilderi, kieli jerler men tuǵyrly tulǵalary týraly aitylady.
Halyqaralyq Túrki akademiiasynyń prezidenti Darhan Qydyráli: "Biz búgin túrli salany talqylaimyz. Onyń birinshisi Túrki áleminiń tulǵalaryn qalai anyqtaimyz jáne túrki áleminiń kieli jerlerin elgileýǵ anyqtaý, sonymen qatar latyn álipbii jalpyvizdiń ortaq jazý mádenietimiz siiaqty jumys toptary qurylatyn volady. Sonyń nátijesinde jyl boiy memleket aralyq komissiia quryp, rýhani jańǵyrýdy túrki áleminde júrgizý baǵyttary boiynsha naqty jumystar júrgiziletin bolady, - deidi.
Konferentsiiaǵa Qazaqstandaǵy birqatar shetel diplomattary men halyqaralyq uiymdardyń ókilderi men tarihshylary, Ázirbaijan, Qazaqstan, Qyrǵyzstan, Túrkiia ǵalymdary men AQSh, Resei, Úndistan, Ózbekstan zertteýshileri qatysýda.
Aita ketý kerek, «Túrkistan jáne Túrkologiia» halyqaralyq konferentsiiasynda 8 memleket tarapynan usynylǵan 115 ǵalymynyń baiandamalary jinaqtalyp, qatysýshylarǵa usynyldy. Atalǵan ǵylymi jobalar Túrki jastarynyń bilim ordasyna ainalǵan Ahmet Iasaýi atyndaǵy Halyqaralyq Qazaq-Túrik ýniversitetinde bilim alatyn jastardyń ǵylymi izdenisterine úlken septigin tigizetin bolady.
