Foto: Gov.kz
Búgin Túrkistan qalasyndaǵy «Kongress holl» kópsalaly kesheninde «AMANAT» partiiasy Túrkistan oblystyq filialynyń bastamasymen «Qaryzsyz qoǵam» ulttyq jobasynyń oryndalýy máselesi qaralǵan jumys jiyny bolyp ótti, dep habarlaidy Ult.kz.
Partiia filialynyń tóraǵasy, Túrkistan oblystyq máslihatyndaǵy partiialyq fraktsiianyń jetekshisi Altynsary Úmbetálievtiń moderatorlyǵymen ótken májiliske Túrkistan oblysy ákiminiń orynbasary Beisenbai Tájibaev, Túrkistan oblysynyń qarjy jáne memlekettik aktivter, jumyspen qamtýdy úilestirý jáne áleýmettik baǵdarlamalar basqarmalarynyń basshylyǵy, ulttyq jobany oblysymyzda júzege asyrýǵa jaýapty qarjy sarapshysy, aýdan qala ákimderiniń osy salaǵa jaýapty orynbasarlary, bank ókilderi, tiisti mekeme basshylary, partiia filialynyń jaýapty qyzmetkerleri qatysty.
«Qaryzsyz qoǵam» jobasy aiasynda 2024 jylǵa 10 500 azamatty oqytý josparlansa, búgingi tańǵa jospar – 107,5 paiyzǵa oryndalyp, naqty 11 293 azamat otbasylyq tabysty josparlaýdyń ádisterin meńgerdi. Ótken jyly partiia filialynyń kúsh salýymen 14 600 adam osy kýrstarda bilim alyp, qarjylyq saýattylyǵyn kótergen bolatyn», dedi partiianyń óńirlik filialynyń tóraǵasy Altynsary Úmbetáliev.
Kún tártibinde qaralǵan másele boiynsha Túrkistan oblysynyń qarjy jáne memlekettik aktivter basqarmasy basshysynyń orynbasary Naǵima Nurmanovanyń habarlamasy tyńdaldy. Basqarma basshysynyń orynbasary «Qaryzsyz qoǵam» jobasynyń aiasyn keńeitýde 2024-2026 jyldarǵa arnalǵan jol kartasy ázirlengenin habarlap, belgilengen mindetterdi iske asyrýda 31 adamnan turatyn óńirlik jobalaý komandasy qurylǵanyn jariia etti.
Jobalaý keńsesi turǵyndardy qarjylyq saýattylyqqa oqytý protsesin uiymdastyrý, azamattardy joba týraly maǵlumattarmen qamtý, qaryz alýshylarǵa nesie qaryzdaryn óteý boiynsha keńes berý, sondai-aq memlekettik baǵdarlamalar, onyń ishinde «Aýyl amanaty» baǵdarlamasynyń sheńberinde óz isin bastaimyn degenderge uiymdastyrýshylyq jumystarǵa qoldaý kórsetý, taǵy da basqa mindetterdi atqaratyny aityldy.
Biylǵy jyldyń 5 aqpanynan bastap óńirimizde halyqty qarjylyq saýattylyqqa jappai oqytý jobasy iske asyrylýda. Joba bastalǵaly beri turǵyndardyń 27 legi oqýdan ótti. Azamattardy qarjylyq saýattylyq kýrsymen qamtý kórsetkishi boiynsha óńirler arasynda Túrkistan oblysy birinshi kórsetkishke ie bolyp otyr. Bul jergilikti atqarýshy organ tarapynan tiisti deńgeide júrgizilgen jumystardyń nátijesi.
Jiynda qaralǵan máseleniń sheńberinde, bereshekti retteýden ótken azamattardy jumysqa ornalastyrýdyń nátijeleri týraly Túrkistan oblysnyń jumyspen qamtýdy úilestirý jáne áleýmettik baǵdarlamalar basqarmasy basshysynyń orynbasary Turar Qudaibergenov aityp ótti. Bul baǵytta salalyq basqarmaǵa 180 azamattyń tizimi usynylyp, olardy jumysqa ornalastyrýda atqarylan sharalardyń nátijeleri baiandaldy. Búgingi kúnge deiin atalǵan tizimde kórsetilgen turǵyndar kontingentiniń ishinde 32 azamat jumyspen qamtý sharalaryna tartylǵan bolsa, 41 azamat usynylǵan jumys oryndarynan bas tartqany aityldy. Sonymen qatar 64 azamat ózin-ózi jumyspen qamtyǵandar sanatyna engeni týraly aqparat berildi.
Májilis barysynda aýdan, qalalarda qarjylyq saýattylyq kýrstaryn uiymdastyrýdyń problemalyq máseleleri talqylanyp, qoǵamǵa paidaly bul bastamany ilgeriletýde keshendi aqparattyq jumystar júrgizýdiń tiimdiligi sóz boldy. Aýdan, qala ákimdikteri kýrs jumystaryn uiymdastyryp qana qoimai, qajetti bilim alǵan alǵan azamattardyń jumyspen qamtylýyn úilestirýi kerek ekeni aityldy. «Qaryzsyz qoǵam» ulttyq jobasy sheńberinde oqý kýrstarynyń uiymdastyrylýy, olardy aiaqtaǵan tyńdaýshylardyń jumyspen qamtylýy boiynsha naqtyly aqparat berýdi kesheýildetetin Qazyǵurt, Keles, Shardara, Jetisai aýdandary men Kentaý qalasy ókilderiniń osy mindetter boiynsha atqaryp jatqan jumystarynyń esepteri tyńdaldy.
Jiynǵa qatysyp, oblys turǵyndary úshin ózekti bolyp tabylatyn jobanyń tiimdiligi jóninde Túrkistan oblysy ákiminiń orynbasary Beisenbai Tájibaev pikir bildirip, memlekettiń áleýmettik kómegi shyn máninde muqtaj azamattar men otbasylarǵa berilýi kerektigin aitty. Bul baǵytta aýdan, qala ákimdikteri otbasylardyń áleýmettik kartasynyń shynaiy túzilýine jaǵdai jasaýy kerektigine nazar aýdaryp, turǵyndardyń qarjylyq saýattylyǵyn kóterý josparynyń oryndalýynda nátijeli jumystar júrgizýi qajet ekenin eskertti.
