Túrkistan qalasyndaǵy jańadan ashylǵan «Turkistan arena» stadionynda 2-6 naýryz kúnderi aralyǵynda Qazaqstannyń fýtboldan sýperkýbok oiyndary ótedi, dep habarlaidy "Ult aqparat".
Ár matchty kórermen alańnan emes, «Qazsport» telearnasy men áleýmettik jelilerden, Túrkistan qalasyndaǵy led-ekrandardan tikelei efirde tamashalai alady
Oiyndarǵa barlyq shtab músheleri men fýtbolshylar, uiymdastyrýshylar PTR testiniń oń qorytyndylarymen ǵana qatysady.
«Oblys ortalyǵyndaǵy jańadan ashylǵan stadionda mundai respýblikalyq deńgeidegi jarystyń ótip jatqandyǵy kóńil qýantady. Stadionda fýtbolshylar úshin barlyq jaǵdai jasalǵan. Uiymdastyrý alqasy dodanyń joǵary deńgeide ótýine kúsh salatyn bolady. Ortalyq stadionda 2 naýryz kúni jartylai finalda «Shahter» – «Astana» komandalary kezdesse, 3 naýryz kúni «Tobyl» men «Qairat» baq synaidy. Al 5 naýryz kúni 3-oryn úshin oiyn ótse, 6 naýryzda finaldyq kezdesý bolady. Barlyq komandalarǵa sáttilik tileimin», - deidi oblystyń dene shynyqtyrý jáne sport basqarmasynyń basshysy.
Al, oblystyń bas sanitar dárigeri Nurbek Nyshanovtyń sózinshe, Túrkistan qalasynda fýtboldan el sýperkýbogyn ótkizý tártibi boiynsha arnaiy qaýly qabyldanǵan.
«Qaýlyǵa sáikes, shtabtyń barlyq músheleri, komanda oiynshylary, sportshylar, BAQ ókilderi jáne sýperkýboktyń basqa da qatysýshylary PTR testin sýperkýbok bastalǵanǵa deiin 3 táýlik ishinde tapsyrý qajet. Sýperkýboktyń barlyq qatysýshylary qol alysýdan nemese tikelei basqa adamdarmen bailanysý túrlerinen aýlaq bolýy kerek. Jarys kúsheitilgen sanitariialyq-dezinfektsiialyq rejimdi saqtai otyryp ótetin bolady», - dedi Nurbek Sadyqbekuly.
