Foto: almaty.tv
Túrkistanda feldsherdi soqqyǵa jyqqan oqiǵa boiynsha qylmystyq is qozǵaldy, dep habarlaidy KTK arnasy.
Buǵan deiin Túrkistanda er adam júkti áielin tekserip jatqan feldsherdi soqqyǵa jyqqanyn jazǵan bolatynbyz. Meditsina qyzmetkeriniń aýrýhanada eki aptadai emdelýi tiis ekeni belgili boldy.
Feldsherdiń kúdiktimen tatýlasqanyna qaramastan, politsiia bul derekti muqiiat tekserýge sheshim qabyldady.
"Túrkistan qalasynda shaqyrtý kezinde meditsinalyq qyzmetkerge kúsh qoldaný faktisi boiynsha qylmystyq is qozǵaldy. Kúdikti ustalyp, ýaqytsha ustaý izoliatoryna qamaldy. Is meniń jeke baqylaýyma alyndy", – dedi Túrkistan oblystyq politsiia departamentiniń bastyǵy Murat Kábdenov.
