Foto: Qural Seiithanulynyń paraqshasynan alyndy
Túrkistan oblysy Jańaqala shaǵyn aýdanyndaǵy turǵyn úilerdiń birinde 33 jastaǵy er adam on bestegi oqýshy qyzdy tyr jalańash sheshindirip, sýretke túsirip, artynsha zorlaǵan, dep habarlaidy «Ult aqparat» El.kz-ke silteme jasap.
Bul týraly jergilikti turǵyn Qural Seiithanuly áleýmettik jelidegi paraqshasyna jazǵan. Aqparat resmi rastalyp otyr.
Bul áieldiń 15 jasar qyzyn 33 jastaǵy erkek qorqytyp, úrkitip Jańaqala shaǵyn aýdanyndaǵy kóp qabatty turǵyn úilerdiń birine aparyp, tyr jalańash sheshindirip sýretke túsirip, odan keiin zorlaǵan.15 jasar qyz ondaidy ómirinde kórmegen. Bunymen toqtamai arada birneshe kún ótkende qyzdyń áleýmettik jelisine "2008, 2009 jylǵy óziń siiaqty jas qyz taýyp ber nemese 50 myń teńge taýyp ber, áitpese jalańash fotolaryńdy TikTok-qa salamyn" dep bopsalap qorqytqan. Ózin UQK-niń qyzmetkerimin dep tanystyrǵan. Shyn máninde eshqandai da qyzmetker emes, – deidi ol.
Túrkistan oblystyq politsiia departamentiniń málimetinshe, "jergilikti turǵynnyń ústinen kámeletke tolmaǵanǵa qatysty zańsyz áreketteri" faktisi boiynsha qylmystyq is qozǵaldy. Kúdikti ýaqytsha ustaý izoliatoryna qamaldy.
Qazirgi ýaqytta oqiǵanyń barlyq mán-jaiyn anyqtaýǵa baǵyttalǵan jedel-izdestirý sharalary júrgizilip jatyr. Alaida, kámeletke tolmaǵandardyń jalańash fotosýretteri taraǵany týraly aqparat shyndyqqa janaspaidy. Politseiler azamattardy tek resmi aqparat kózderine senýge shaqyrady, – delingen habarlamada.
Basqa aqparat tergeý múddesi úshin taratylmaidy.
