Foto: gov.kz
Oblys aýmaǵynda esirtki sekildi áser etetin "Tramadol" preparatyna jalǵan retsepter jazyp, ony zańsyz ainalymǵa shyǵarǵan uiymdasqan qylmystyq top anyqtaldy, dep habarlaidy Ishki ister ministrliginiń baspasóz qyzmeti.
Top músheleriniń bári meditsina salasynyń qyzmetkerleri bolyp shyqty. Olardyń qoimalarynan 170 myń dana tabletka tárkilengen.
Ishki ister ministrliginiń málimetine sensek, esirtki quraldary, psihotroptyq zattar jáne prekýrsorlardyń zańdy ainalymyna baqylaý júrgizý boiynsha aldyn alý sharasy aiasynda 577 meditsina mekemesi men 132 óndiristik kásiporyn tekserilgen. Túrkistan oblysyndaǵy qylmystyq top osy tekseris aiasynda áshkere bolǵan.
"Tergeýden soń quramynda esirtki jáne psihotroptyq zattar bar 23 myń ampýla men 6 myń tabletka tárkilendi. 135 meditsina qyzmetkerine qatysty materialdar jinalyp, Meditsinalyq jáne farmatsevtikalyq baqylaý komitetine joldandy. 380 myń tonna prekýrsordyń ainalymyna shekteý qoiylyp, 70-ten astam zańdy tulǵa jaýapkershilikke tartyldy. 20 esirtkige qatysty qylmys anyqtaldy", – dedi esirtki qylmysyna qarsy is-qimyl komiteti tóraǵasynyń orynbasary Qýandyq Áljanov.
