Túrkistan oblysynda 78 mekteptiń qurylysy júrip jatyr. Bul týraly óńir ákimi Ómirzaq Shókeev aityp berdi, dep habarlaidy QazAqparat.
«Oblysta 945 mektepte 509 myń 700 bala oqidy. Biyl oblysta 78 mektep qurylysy júrgizilýde. Nur Otan partiiasynyń baǵdarlamasyna sáikes, biyl elimizde 200-dei mektep salynsa, bizdiń oblysta sonyń 47-si paidalanýǵa beriledi. Jáne 2025 jylǵa qarai 130 jańa mektep salý josparlanǵan», - dedi Ó. Shókeev Ortalyq kommýnikatsiialar qyzmetinde ótken baspasóz máslihatynda.
Baǵdarlama aiasynda jyl saiyn 108 mektep jańǵyrtýdan ótetin bolady. Jańa úlgidegi 4 Binom mektebi Túrkistan oblysynyń aýdandarynda salynady.
«Jaqyn kúnderi Túrkistan qalasynda 720 oryndyq Nazarbaev ziiatkerlik mektebiniń qurylysy aiaqtalady. 700 oqýshyǵa arnalǵan 500 oryndyq jataqhanasy bar «Daryn» mektep-internatynyń qurylysy júrgizilýde. Oqýshylardyń qaýipsizdigin saqtaý úshin 906 memlekettik mektep tolyǵymen beinebaqylaý júiesimen qamtamasyz etilgen. Onyń barlyǵy politsiianyń jedel basqarý ortalyǵyna integratsiialandy», - dedi Shókeev.
