Túrkistan oblysy ákiminiń orynbasary Ermek Kenjehanulynyń tóraǵalyǵymen Túrkistan qalasy saýda oryndarynda áleýmettik mańyzy bar azyq-túlik taýarlarynyń baǵasyna monitoring júrgizildi, dep habarlaidy «Ult aqparat» oblys ákimdiginiń baspasóz qyzmetine silteme jasap.
Oblys ákiminiń orynbasary dúken sórelerinde bar taýarlar assortimentimen muqiiat tanysty. Eń bastysy, áleýmettik mańyzy bar azyq-túlik taýarlarynyń baǵasy baqylaýǵa alyndy.
Monitoring barysynda birqatar dúkenderde sút jáne taýyq ónimderine baǵanyń shamaly ósýi tirkeldi. Bul monitoringke oblystyq basqarmalar, departamentter jáne qala ákimdigi qatysty.
Oblystyq básekelestikti qorǵaý jáne damytý departamentiniń habarlaýynsha, áleýmettik mańyzy bar azyq-túlik taýarlarynyń baǵasyn negizsiz kóteretin birqatar taýar óndirýshiler men jetkizýshilerge qatysty qatań sharalar qabyldanatyn bolady.
Monitoringti qorytyndylai kele, oblys ákiminiń orynbasary Kenjehanuly Ermek oblystyq basqarmalar men qala ákimdigine kúndelikti dúkenderdi aralaýdy, taýar interventsiialaryn júrgizý boiynsha jumysty kúsheitýdi, dúkenderdegi sórelerde azyq-túlik taýarlary qorynyń jetkilikti kólemin qalyptastyrýdy, sondai-aq azyq-túlik taýarlarynyń baǵasyn negizsiz kóteretin deldaldardy anyqtaý boiynsha jumysty erekshe baqylaýǵa alýdy tapsyrdy.
Áleýmettik mańyzy bar azyq-túlik taýarlary baǵasynyń ósýine jol bermeý maqsatynda jaqyn arada óndirýshi kásiporyndarmen, jetkizýshilermen jáne dúken ielerimen májilis ótkiziledi.
Jalpy, áleýmettik mańyzy bar azyq-túlik taýarlaryna baǵanyń negizsiz ósýine jol bermeý jónindegi jumys kúndelikti baqylaýǵa alynyp, tiisti sharalar qabyldanýda.
