Túrkistan oblysynda Tsifrlandyrý ortalyǵy otandyq IT-júielerin ázirleýshilermen birlesip Túrkistan qalasynda birneshe pilottyq jobalardy júzege asyrýda. Máselen, aǵymdaǵy jyldyń jeltoqsan aiynda Túrkistan qalasynyń qoǵamdyq kólikterinde elektrondy biletteý júiesi jumysyn bastaidy.
Sonymen qatar, oblys ortalyǵyndaǵy Otyrar shaǵyn aýdanynda kóp páterli 10 úidi qamtityn «Aqyldy kvartal» jobasyn júzege asyrý boiynsha belsendi jumystar júrgizilip jatyr. Bul týraly Túrkistan oblysynyń Óńirlik kommýnikatsiialar qyzmetinde ótken brifingte Túrkistan oblysynyń Tsifrlandyrý ortalyǵynyń basshysy Asylbek Janǵulov málimdedi.
Sondai-aq, oblystaǵy IID-men birigip qaýipsizdik pen beinebaqylaýdy qamtamasyz etý boiynsha birneshe jobalar júzege asyrylýda. Aǵymdaǵy jyldyń sońyna deiin oblystyq TJD úshin «112 qyzmeti» avtomattandyrylǵan júiesin paidalanýǵa engizý kózdelip otyr.
«Tsifrlandyrý jobalaryn úilestirýdi, saraptamalyq qoldaýdy jáne ózara yqpaldastyrýdy qamtamasyz etý úshin Túrkistan oblysy ákimdigi «Túrkistan» ÁKK» AQ bazasynda 2018 jyly qazan aiynda tsifrlandyrý ortalyǵyn qurdy. Qazirgi ýaqytta Tsifrlandyrý ortalyǵy Tsifrlyq Qazaqstan memlekettik baǵdarlamasyn júzege asyrý sheńberinde 15-ten astam halyqaralyq jáne Qazaqstandyq IT kompaniialarmen yntymaqtastyq týraly memorandýmdarǵa qol qoidy. Atqarylǵan is-sharalar Túrkistan oblysyna salynatyn investitsiia kólemin 30 mln. AQSh dollaryna jetýine jáne IT-mamandar úshin qosymsha jumys oryndarynyń ashylýyna septigin tigizedi dep kútilýde», - dedi Asylbek Aspandiiaruly.
Tsifrlandyrý ortalyǵy memlekettik organdardyń mamandaryna, oblystyq, aýdandyq jáne qalalyq ákimdikterge tsifrlandyrý boiynsha jol kartalaryn ázirleýde qoldaý kórsetedi. Túrkistan oblysynyń barlyq qalalarynyń ishinde alǵash bolyp Túrkistan oblysyndaǵy tsifrlandyrý baǵdarlamasyna Saryaǵash qalasy qosyldy. Tsifrlandyrý ortalyǵymen birge aqyldy qala – Sary Agash Digital jobasy ázirlendi.
2021 jylǵa deiin eseptelgen jobalar portfelinde 28 joba bar, olar: qalany tiimdi basqarý jáne osy protsesske belsendi azamattardy tartýdy qamtamasyz etpek. Tsifrlandyrý ortalyǵynyń aldaǵy jospary – Ulttyq Geoaqparattyq júiesiniń bóligi retinde Túrkistan oblysynyń Biryńǵai geoportalyn qurý, sonymen birge Túrkistan oblysyn tsifrlandyrýǵa nietti otandyq IT kompaniialarǵa tsifrlandyrý jobalaryn júzege asyrýlary úshin biryńǵai servistik model usyný.
