Túrkistanda Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttiginiń jáne Ulttyq biýronyń Túrkistan oblysy boiynsha departamentteriniń uiymdastyrýymen «Adal jol» marafonynyń qorytyndy forýmy ótti.
Jiynda aldymen «Adal jol - Chestnyi pýt» marafony aiasynda ótkizilgen is-sharalar arnaiy led-ekrandar arqyly kópshilik nazaryna usynyldy.
Halyqaralyq sybailas jemqorlyqqa qarsy kúres kúnine orai ótkizilgen sharaǵa marafonnyń ótýine úles qosqan qala, aýdan ákimdikterdiń ókilderi, «Adal urpaq» erikti mektep klýbtarynyń jáne arnaiy monitoringtik top músheleri, úzdik baqylaýshy, úzdik esse baiqaýynyń jáne voleibol týrniriniń jeńimpazdary qatysty.
Jiynda oblys ákiminiń orynbasary E.Sadyr quttyqtaý sóz sóilep, oblysymyzdy kórkeitý men el mereiin ústem etý jolynda jemqorlyqqa birlesip tosqaýyl qoiýǵa shaqyrdy.
Kelesi kezekte «Adal jol» marafonynyń ótýine atsalysqan jalyndy jastar men sportshylarǵa, memlekettik qyzmetshiler jáne BAQ ókilderin birneshe nominatsiia boiynsha diplomdarmen marapattaǵan departament basshysy Ǵ.Tursynbaev óz rizashylyǵyn bildirip ótti. Sonymen, «Adal jol - Chestnyi pýt» marafonynyń qorytyndysy boiynsha eń úzdik bolyp Shardara aýdany tanyldy.
Saryaǵash aýdany «Jastar resýrstyq ortalyǵy» KMM-niń talantty jastardy qoldaý inspektory Oljas Mamyr jastardyń atynan "Sybailas jemqorlyqqa qarsymyz!" degen úndeý jariialady. Shara sońynda jergilikti ónerpazdarmen qatar sahnada óner kórsetken estrada juldyzy Qairat Túntekov kórermenderdiń qoshemetine bólendi.
