Búgin Túrkistanda 10 tamyz – Abai kúnine orai Túrkistan oblystyq «Farab» ámbebap ǵylymi kitaphanasynyń uiymdastyrýymen «Abaidy oqy, orynda!» taqyrybynda keshendi is-sharalar ótti, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Aldymen dintanýshy, ǵalym Zikiriia Jandarbek pen mádeniet qairatkeri Uljan Mustafaeva bastaǵan qonaqtar men kitaphana qyzmetkerleri Oqýshylar saraiy aldyndaǵy Abai eskertkishine taǵzym etip, gúl shoqtaryn qoidy. Osylaisha tańerteńnen bastaý alǵan shara ary qarai kitaphanada jalǵasty. Munda Zoom arqyly oblysqa qarasty aýdandyq, qalalyq kitaphanalardyń qatysýymen tikelei bailanys júrgizildi. Konferentsiiada Semei oblysyna arnaiy barǵan kitaphana qyzmetkerleri Sazanova Dinara jáne Nurǵali Ardaq Abai elinen tikelei bailanysqa shyǵyp, Semei oblystyq kitaphana qyzmetkerleri qoryndaǵy sirek kitaptar men Abai Qunanbaevtyń ózi paidalanǵan jádigerlermen tanystyrdy. Sondai-aq olar Jidebaidaǵy Abai eline, Abai murajaiy men Abai ziratyna saiahat jasady. Budan bólek, konferentsiiada belgili jazýshy-jýrnalist, «Alash» ádebi syilyǵynyń laýreaty, «Qurmet» pen «Parasat» ordeniniń iegeri Marhabat Baiǵut bailanysqa shyǵyp, Abai jáne onyń shyǵarmalary men mol murasy jaiynda baiandap berdi. Jazýshynyń «Abaidy oqy, orynda!» degen sózi kún taqyryby retinde alynyp otyr. Al Zikiriia Jandarbek «Islam jáne Abai» taqyrybynda tushymdy maǵlumattar aityp ótse, Uljan Ábenqyzy óz sózinde kitaphana qyzmetkerlerine alǵysyn bildirip, Abai eline saiahat jasalǵanyna qýanǵanyn jetkizdi. Konferentsiia sońynda kitaphanashylardyń oryndaýyndaǵy Abaidyń «Jelsiz túnde jaryq ai» beinebaiany kórsetildi.
Sodan soń, «Farab» kitaphanasynyń aldynda merekelik is-shara ótti. Sharaǵa qatysýshy qala turǵyndary men oqyrman qaýym «Abai álemi» taqyrybyndaǵy kitap kórmesin tamashalady. Kórmege Abai shyǵarmalary, abaitanýshylardyń eńbekteri jáne arnaiy Abai eli Jidebaidan alynǵan foto korme shejiresi qoiyldy. Kitaphana basshysynyń orynbasary Janar Jaqsylyqqyzy sharanyń maqsaty men mańyzdylyǵyna toqtaldy. Sonymen qatar A.Baitursynov mektebiniń oqýshylary Abai óleńderin oqysa, kitaphana qyzmetkerleri qara sózderin aityp, aýdarmalary negizinde kórinis qoidy. Qatysýshylarǵa Abai shyǵarmalary týraly viktorinalyq suraqtar qoiylyp, belsendi oqyrmandar men búldirshinderge arnaiy syilyqtar berildi. Is-shara sońynda kitaphanashylar Abaidyń «Kózimniń qarasy» ánin hormen oryndady.
Ashyq esik kúni Oqýshylar saraiy aldyndaǵy Abai eskertkishi mańyndaǵy «Abai rýhymen syrlasý» atty poeziia keshimen qorytyndylandy. Keshte mektep oqýshylary, kitaphanashylar men turaqty oqyrmandar Abai shyǵarmalaryn jatqa oqydy. Belsene atsalysqandar arnaiy marapattalyp, baǵaly syilyqtarǵa ie boldy.
