Túrkistanda QMDB janyndaǵy «Zeket» qorynyń «El úlesi – páterge» jobasy aiasynda 4 januiaǵa baspana kilti berildi, dep habarlaidy QazAqparat.
«Shapaǵatshym bir ózińsiń Muhammet» taqyrybynda Máýlit merekesine arnalǵan rýhani keshte oblys ákiminiń orynbasary Ulan Tájibaev pen oblystyń bas imamy Erkebulan Qaraqulov quttyqtaý sóz sóilep, jinalǵan qaýymdy «Tuńǵysh Prezident kúnimen» jáne Táýelsizdiktiń 30 jyldyǵymen quttyqtady. Sondai-aq, teatrlandyrylǵan qoiylym kórsetilip, salaýat aityldy.
«Máýlit merekesi qutty bolsyn ardaqty áleýmet! Búginde kúlli adamzat balasy Paiǵambarymyzdai tulǵaǵa asa muqtaj. Onyń meiirimdiligi men súiispenshiligine zárý. Bizder eki dúnie sardary Muhammettiń (s.a.s) qiiamet kúninde shapaǵatshy bolýyn tileýimiz kerek. Alla Taǵala elimizge tynyshtyq, otbasylaryńyzǵa amandyq bersin», - dedi Erkebulan Ybraiymuly.
Dini jiynda teolog, Respýblikalyq aqparattyq-nasihat tobynyń múshesi Arman Qýanyshbaev saqabalardyń ǵibratty ǵumyry týraly keńinen toqtaldy. Óz kezeginde qazaq estradasynyń jaryq juldyzdary Marat Omarov pen Sáken Maiǵaziev ánnen shashý shashyp, sahna kórkin qyzdyrdy.
