تٷركٸستاندا قمدب جانىنداعى «زەكەت» قورىنىڭ «ەل ٷلەسٸ – پەتەرگە» جوباسى اياسىندا 4 جانۇياعا باسپانا كٸلتٸ بەرٸلدٸ, دەپ حابارلايدى قازاقپارات.
«شاپاعاتشىم بٸر ٶزٸڭسٸڭ مۇحاممەت» تاقىرىبىندا مەۋلٸت مەرەكەسٸنە ارنالعان رۋحاني كەشتە وبلىس ەكٸمٸنٸڭ ورىنباسارى ۇلان تەجٸباەۆ پەن وبلىستىڭ باس يمامى ەركەبۇلان قاراقۇلوۆ قۇتتىقتاۋ سٶز سٶيلەپ, جينالعان قاۋىمدى «تۇڭعىش پرەزيدەنت كٷنٸمەن» جەنە تەۋەلسٸزدٸكتٸڭ 30 جىلدىعىمەن قۇتتىقتادى. سونداي-اق, تەاترلاندىرىلعان قويىلىم كٶرسەتٸلٸپ, سالاۋات ايتىلدى.
«مەۋلٸت مەرەكەسٸ قۇتتى بولسىن ارداقتى ەلەۋمەت! بٷگٸندە كٷللٸ ادامزات بالاسى پايعامبارىمىزداي تۇلعاعا اسا مۇقتاج. ونىڭ مەيٸرٸمدٸلٸگٸ مەن سٷيٸسپەنشٸلٸگٸنە زەرۋ. بٸزدەر ەكٸ دٷنيە ساردارى مۇحاممەتتٸڭ (س.ا.س) قييامەت كٷنٸندە شاپاعاتشى بولۋىن تٸلەۋٸمٸز كەرەك. اللا تاعالا ەلٸمٸزگە تىنىشتىق, وتباسىلارىڭىزعا اماندىق بەرسٸن», - دەدٸ ەركەبۇلان ىبرايىمۇلى.
دٸني جيىندا تەولوگ, رەسپۋبليكالىق اقپاراتتىق-ناسيحات توبىنىڭ مٷشەسٸ ارمان قۋانىشباەۆ ساقابالاردىڭ عيبراتتى عۇمىرى تۋرالى كەڭٸنەن توقتالدى. ٶز كەزەگٸندە قازاق ەستراداسىنىڭ جارىق جۇلدىزدارى مارات وماروۆ پەن سەكەن مايعازيەۆ ەننەن شاشۋ شاشىپ, ساحنا كٶركٸن قىزدىردى.
