Túrkistan oblysynda Covid-19 infektsiiasynan jazylǵan azamattardyń jas erekshelikteri - 3 jastan 67 jasqa deiin, dep habarlaidy "Ult aqparat".
Oblystyq qoǵamdyq densaýlyq basqarmasynyń málimetinshe, koronavirýs juqtyrǵan taǵy 16 naýqas saýyǵyp shyqqan. Indetten jazylǵandar qatarynda Túrkistan jáne Arys qalalary men Ordabasy, Qazyǵurt, Saryaǵash aýdandarynyń turǵyndary bar. Olardyń barlyǵy da Covid-19 infektsiiasyn juqtyrǵan azamattarmen qarym-qatynasta bolǵan. «Naýqastar eki aptadan astam ýaqyt boiy juqpaly aýrýlar bóliminderinde em qabyldap, synama qorytyndylary teris nátije kórsetýine bailanysty úilerine qaitarylǵan. Barlyǵynyń jaǵdaiy qanaǵattanarlyq, shaǵymdary joq», - delingen habarlamada.
