Túrkistan oblysynda 200-ge jýyq adam jinalǵan úilený toiy toqtatyldy, dep habarlaidy "Ult aqparat".
Búginde koronavirýs indetiniń taralýyna jol bermeý maqsatynda oblys politseileri úzdiksiz jumys júrgizip jatyr.
Adam kóp shoǵyrlanatyn oiyn-saýyq oryndary, bazarlar men saýda oryndary, kafe-bar, toihanalarda turaqty reidti-kprofilaktikalyq sharalar atqarylýda.
Máselen 2021 jyldyń shilde aiynda Keles aýdanynda karantin rejimin buzýǵa qatysty 32 jait anyqtalǵan. Onyń ishinde 7-eýi - toi-jiyn.
Anyqtalǵan jaittardyń barlyǵy zańdy sheshim qabyldaý úshin Keles aýdany sanitarlyq-epidemiologiialyq baqylaý basqarmasyna joldandy.
Iaǵni, Keles aýdany Birtilek aýyldyq okrýginde ornalasqan toihanalardyń birinde saǵat kúndizgi 14:00 shamasynda karantin rejimin óreskel buzyp, úilený toiy jasalyp jatqany anyqtalyp, mobildik toppen barǵan politseilerdiń beinejetonyna túsken.
Toiǵa 200-ge tarta adam jinalǵany belgili boldy.
Tártip saqshylary toiǵa jinalǵan qonaqtarǵa túsindirý jumystaryn júrgizip, toidy tarqatty.
Atalǵan toihana iesi men toi jasaýshy turǵynǵa qatysty QR ÁQBtK-niń 425-babymen is-qujattar jinaqtalyp, SEBB-ǵa joldandy.
