Túrkistanda júrgizýshi jaiaý júrginshilerdi qaǵyp, oqiǵa ornynan qashyp ketken, – dep habarlaidy Polisia.kz.
Politseilerdiń anyqtaýynsha, Túrkistan qalasy kósheleriniń birinde belgisiz avtokólik jaiaý júrginshilerge arnalǵan jolaqtan ótip bara jatqan eki orta jastaǵy áieldi qaǵyp ketip, oqiǵa ornynan boi tasalaǵan. Jol apaty saldarynan jaiaý júrginshiler túrli dene jaraqatymen aýrýhanaǵa jetkizilgen. Búginde olardyń jaǵdaiy orta dárejede.
Atalǵan derek QR QK-niń 345-baby (Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy) jáne 347-baby (Jol-kólik oqiǵasy bolǵan jerden ketip qalý) boiynsha tirkelgen.
"Tártip saqshylary jol apatyn jasap, oqiǵa ornynan jasyrynǵan júrgizýshini ustaý maqsatynda barlyq qajetti sharalardy júrgizdi. Oqiǵa ornyn qaraý barysynda belgisiz avtokóliktiń aina synyqtary, taǵy basqa da dáleldemeler alynyp, sonyń nátijesinde adam qaqqan kóliktiń aq tústi Vaz-2106 kóligi ekeni anyqtaldy.
Júieli jumystardyń nátijesinde kináli júrgizýshi táýlik ishinde turǵylyqty mekenjaiynan anyqtaldy. Kóligi aiypturaqqa qoiyldy. Qazirgi tańda tergep-tekserý amaldary júrgizilip jatyr" - delingen PD habarlamasynda.
