WorldSkills – jumysshy mamandyǵynyń mártebesin arttyrý jáne dáripteý maqsatynda álemniń 82 memleketine taralǵan halyqaralyq assotsiatsiia. Onyń quramyna Qazaqstan 2014 jyly 70-shi qatysýshy memleket bolyp tirkelgen, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
WorldSkills qozǵalysyn damytýdyń negizgi maqsaty - kásiptik bilim berýdegi tehnikalyq, qyzmet kórsetý jáne qurylys salalary boiynsha qatysýshylardyń tájiribelik daiyndyǵyn, kásiptik biliktiligin, shyǵarmashylyǵy men joǵary eńbek mádenietin, zamanaýi, onyń ishinde aqparattyq-kommýnikatsiialyq tehnologiialardy is júzinde qoldana alý biliktiligin synaý.
Astana qalasynda ótken «WorldSkills Kazakhstan - 2018» Ulttyq chempionatyna Túrkistan oblysynyń atynan 9 stýdent jiberilip, onyń 6-y júldeli oryndarǵa ie boldy. Ulttyq chempionattyń jabylý saltanatyna QR Premer-ministri B.Saǵyntaev arnaiy qatysyp, kolledj stýdentteri men bilikti jas mamandardy qol jetkizgen jetistikterimen marapattady.
Atap aitqanda, Kentaý kópsalaly kolledjiniń stýdenti Iskandarov Maqsat «Santehnika jáne jylytý» sanaty boiynsha, Shymkent agrarlyq kolledjiniń stýdenti Shynybek Nurbah «Aýyl sharýashylyǵy mashinalary men traktorlardyń slesar-jóndeýshisi» boiynsha altyn medalǵa qol jetkizdi. Sondai-aq, Shardara qalasyndaǵy №16 kolledj stýdentteri Tólebaev Dáýlet «Plitkamen qaptaý» boiynsha, Taýbai Janarys «Qurǵaq qurylys» boiynsha, al Kentaý politehnikalyq kolledjiniń stýdenti Halimov Ómirbek «Elektronika» sanaty boiynsha kúmis medaldarǵa ie boldy. Sonymen birge, «Shashtaraz óneri» boiynsha Miras kolledjiniń túlegi Artyqbai Oljas qola medaldy iemdendi.
