Túrkistan jáne Pavlodar oblystarynda oqýlyq jetkiliksiz. Bul týraly búgin Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«268 mektep kúrdeli jóndeý jumysymen qamtyldy. Basym kópshiligi oqý jylynyń basyna deiin aiaqtalady. Degenmen, 36 mektepte kúrdeli jóndeý jumysyn aiaqtamaý qaýpi bar. 1 qyrkúiekke deiin jóndeý jumystary aiaqtalmaityn mektepterdiń eń kóp sany Almaty, Qostanai oblystarynda. Sondyqtan osy oblystardyń ákimderin atalǵan máseleni jeke baqylaýda alyp, tiisti is-shara qoldanýlaryn suraimyn», - dedi Ashat Aimaǵambetov.
Ministr oqýshylardyń oqýlyqpen qamtý jaiynda da erekshe toqtalyp ótti.
«Biyl 1-synyp oqýshylaryn jańa oqýlyqtarmen qamtamasyz etý úshin jumys júrgizilýde. Qazirgi ýaqytta olardy baspalardan jetkizý jumysyn uiymdastyryp jatyrmyz. Odan basqa oqýshy kontingentiniń ósýine bailanysty qosymsha oqýlyqtar jáne Memleket basshysynyń tapsyrmasy boiynsha kórkem ádebiet satyp alý jumysy da uiymdastyrylýda. Biraq, 2 oblys boiynsha oqýlyqtar jetkiliksiz. Olar: Túrkistan jáne Pavlodar oblystary. Biraq, qazir bul oblystar qosymsha qarshy bólip, másele sheshilýde», - dedi ol.
