Úi sharýashylyqtaryn zertteý derekteri boiynsha tabysy eń tómengi kúnkóris deńgeiiniń shamasyna jetpeitin halyqtyń úlesi 2021 jyly 5,2% qurady (2020 jyly – 5,3%), dep habarlaidy ulysmedia.kz.
2021 jyly óńirler bólinisindegi kedeiliktiń eń joǵary deńgeii Túrkistan (9,8%), Mańǵystaý (8,6%) oblystarynda, eń az úlesi – Nur-Sultan (2,2%) qalasynda tirkeldi.
2021 jyly óńirler boiynsha tabysy eń tómengi kúnkóris deńgeiiniń shamasyna jetpeitin halyqtyń úlesi
Qala jáne aýyl turǵyndary tabysynyń edáýir saralanýy saqtalǵan. Máselen, qalalyq jerdegi tabysy eń tómengi kúnkóris deńgeiinen az halyqtyń úlesi 3,8%, al aýyldyq jerde 7,2%. 2021 jyly kedeiliktiń aýyldyq jáne qalalyq deńgeileri arasyndaǵy eń úlken aiyrmashylyq Atyraý (9,1 ese) jáne Mańǵystaý (4,3 ese) oblystarynda baiqaldy.
2021 jyly óńirler boiynsha qalalyq jáne aýyldyq jerlerdegi eń tómengi kúnkóris deńgeiiniń shamasynan tómen tabysy bar halyqtyń úlesi
«Kedeilik deńgeii – eń tómengi kúnkóris deńgeiiniń shamasynan tómen tabysy bar (tutynýǵa paidalanylǵan) halyq sanynyń halyqtyń jalpy sanyna shaqqandaǵy paiyzdyq qatynasy. QR boiynsha 2021 jyly jan basyna shaqqandaǵy eń tómengi kúnkóris deńgeiiniń shamasy orta eseppen aiyna 37 266 teńgeni qurady. Bul rette árbir óńirdiń óziniń eń tómengi kúnkóris deńgeii esepteledi», - dep tolyqtyrdy QR SJRA Ulttyq statistika biýrosynyń Eńbek jáne turmys deńgeii statistikasy departamentiniń direktory Natalia Belonosova.
