Búgin túbi bir túrki jurtynyń túpqazyǵy, rýhani astanasy - Túrkistan qalasynda «Túrkistan - Túrki áleminiń mádeni astanasy» jylynyń saltanatty jabylýyna arnalǵan Gala-kontsert ótti, dep habarlaidy "Ult aqparat".
«Túbi bir túrkiler» horeografiialyq-plastikalyq qompozitsiiasymen bastaý alǵan kontsenrttik baǵdarlamada oblys ákimi J.Túimebaev sóz alyp, barsha jiylǵan jurtshylyqty búgingi aitýly kúnmen quttyqtady.
«Túrki áleminiń búgingi zamandaǵy kemeńger kóshbasshysy atanǵan Prezidentimiz Nursultan Ábishuly Nazarbaev «TÚRKSOI» túrki áleminiń IýNESKO-syna ainalýy tiis» degen bolatyn. TÚRKSOI uiymy túrki áleminiń mádeni astanalaryn tańdaý jobasyn 2012 jyldan beri júzege asyryp, Túrki dúniesiniń IýNESKO-syna ainaldy. Ótken jyldyń sońynda TÚRKSOI Turaqty Keńesiniń 34-shi otyrysynda Túrkistan qalasyn Túrki áleminiń 2017 jylǵy mádeni astanasy dep jariialaý jónindegi tarihi sheshim qabyldandy. Sebebi, Túrkistan – túrki qaǵanattarynyń týy tigilgen Orda. Túrki halyqtarynyń orasan zor oǵlandary aq kigizde han kóterilgen qasietti jer. Túrki áleminiń mańyzdy jobasy Elbasynyń «Bolashaqqa baǵdar: rýxani jańǵyrý» maqalasymen keremet astasyp, jyl boiynda ulttyq dástúrimizdi dáripteitin kóptegen sharalardyń joǵary deńgeide ótkizilýine tikelei yqpalyn tigizdi», - dedi ákim.
Budan soń aimaq basshysy QR Mádeniet jáne sport ministri Arystanbek Muhamediuly men «TÚRKSOI» Halyqaralyq uiymynyń Bas hatshysy Qaseiinov Dúisen Qurabaiulyna alǵys bildirip, marapattasa, Túrkiia Respýblikasy Mádeniet jáne týrizm vitse ministri Hýsein Iaiman myrzaǵa Qazaqstan-Túrkiia dostyǵy men yntymaqtastyǵyn damytqany úshin tósbelgi taqty. Al qalǵan túrki elderinen kelgen qonaqtarǵa oblys ákiminiń arnaiy syilyǵy tapsyryldy.
Baýyrlas elderdiń basy qosylǵan merekelik sharada Ázirbaijan, Túrikmenstan, Túrkiia, Ózbekstan, Qyrǵyzstan memleketteri men Resei Federatsiiasynyń Tatarstan, Bashqurtstan, Saha-Iakýtiia, Tyva Respýblikalary jáne Qyrymnan arnaiy kelgen óner ujymdary óz ónerlerin pash etti.
Jabylý saltanaty barysynda 35-shi Turaqty Keńesi otyrysynyń sheshimi boiynsha 2018 jylǵy Túrki áleminiń mádeni astanasy atanǵan Túrkiia Respýblikasy Kastamoný qalasyna «Túrki áleminiń mádeni astanasy» simvoly men týy tapsyryldy. Is-shara Sh.Qaldaiaqov atyndaǵy oblystyq filarmoniia, oblystyq opera jáne balet teatrynyń ánshileri men barlyq qatysýshylar birlese «Túrkistan - túrki áleminiń astanasy» atty ánimen aiaqtaldy.
Esterińizge sala keteiik, ótken jyldyń sońynda Ázirbaijan Respýblikasynyń Sheki qalasynda ótken TÚRKSOI Turaqty Keńesiniń 34-shi otyrysynda Túrkistan qalasy - Túrki áleminiń 2017 jylǵy mádeni astanasy bolyp bekitilip, jyl boiy túrkitildes ulttar arasyndaǵy baýyrlastyq bailanystar men dostyqty nyǵaitý, túrkilik mádeniet pen ónerdi urpaqtan urpaqqa jetkizip, ony álemge tanytý maqsatynda 40-qa jýyq túrli is-sharalar uiymdastyryldy.
