Foto: Gov.kz
Túrkistan qalasynda ornalasqan «Turan» arnaiy ekonomikalyq aimaǵyn injenerlik infraqurylymyn damytý maqsatynda qurylys jumystary qarqyndy júrgizilip jatyr. Ondaǵy qurylys jumystarynyń sapaly oryndalýy oblys ákimi Darhan Satybaldynyń qatań baqylaýynda tur, dep habarlaidy «Ult aqparat».
Túrkistan oblysy ákiminiń baspasóz qyzmetiniń málimetinshe, búgingi tańda órt sóndirý deposy, gaz júieleri, internet jelisiniń jumystary 100%-ǵa aiaqtalǵan. Joldyń 1,4 shaqyrymyna asfalt jabyndysy tóseldi. Jol qurylysyn 2024 jyldyń qazan aiynda paidalanýǵa berý josparlanǵan. Temirjol qurylys jumystary 40%-ǵa oryndalyp, temirjoldyń 2,1 shaqyrymyna relster ornatyldy.
Sonymen qatar sý jáne káriz jelileriniń qurylys jumystary 70 %-ǵa oryndalyp, sý qubyrynyń 8,5 shaqyrymy tartyldy. Káriz júiesiniń 3 shaqyrymyna qubyr júrgizildi. Atalǵan nysandarydyń qurylys jumystary jyl sońyna deiin tolyq aiaqtalyp, paidalanýǵa beriledi dep josparlanýda.
Elektrmen jabdyqtaý jumystaryn aiaqtaý 2025 jylǵa josparlanǵan. Atqarylyp jatqan jumystardyń barysy oblystyq qurylys basqarmasynyń mamandarynyń turyqty qadaǵalaýynda.
«Turan» arnaiy ekonomikalyq aimaǵyndaǵy injenerlik infraqurylymdardyń qurylys jumystary aiaqtalǵan soń, munda 50-ge jýyq kásiporyn ornalasyp, jumysyn bastaidy. Nátijesinde, 1000-ǵa jýyq jańa jumys orny ashylmaq.
