Foto: Túrkistan oblysy ákiminiń baspasóz qyzmeti
Túlkibas aýdanynda kásipkerler arqyly sport nysandaryn kóbeitý jumystary júrip jatyr. Solardyń biri – Azattyq eldi mekenindegi «Sport servis Azattyq» atty sport kesheni, dep habarlaidy «Ult aqparat».
Ótken jyly Azattyq eldi mekeninen Bekmuratov Atamurat esimdi jeke kásipkerdiń óz qarjysy esebinen ashylǵan nysanda búgingi tańda 600-ge jýyq mektep jasyndaǵy bala sporttyń 8 túrinen (boks, kúres, dziýdo, thekvando, voleibol, ústel tenisi, fýtbol, gimnastika) úiirmelerge qatysyp, bos ýaqyttaryn tiimdi ótkizýde.
Budan bólek keshenniń qosymsha ǵimaratyna tigin tsehy ashylyp, tapsyrystar qabyldap, qazirgi tańda jumysyn júrgizýde. Kásipker ótken jyly úiirmeniń úsh túrine qajetti aimaqty daiyndasa, biyl qosymsha 5 úiirmege kerekti zaldardy iske qosqan. Jalpy keshenniń qurylysyna 200 mln. teńgege jýyq óz qarjysyn jumsaǵan.
Atalǵan nysanǵa aýdan ákimi Nurjan Iztileýov arnaiy taban tirep, kásipkerdiń jumysyna oń baǵasyn berdi. Kásibin ulǵaitýǵa memleketten qoldaýlar qajet bolǵan jaǵdaida, kómek berýge daiyn ekenin jetkizdi.
Atalǵan kásipkerlik nysanda 30-dan astam aýyl turǵyndary jumyspen qamtylyp otyr.
Aita keteiik, búgingi tańda aýdanda 5 oblystyq, «Er Jánibek» sport klýby, «Túlkibas sport klýb» jáne múmkindigi shekteýli balalarǵa arnalǵan sport mektebi halyqqa qyzmet kórsetedi. Osy atalǵan 8 sport mekemesinde 5258 oqýshy sporttyń 22 túrinen qamtylǵan. Sondai-aq biyl Rysqulov aýyldyq okrýginen jeke kásipker A.Toishybekovtyń esebinen jalpy quny 150 mln. teńgege fýtbol alańshasy ashylyp, aýyl turǵyndaryna paidalanýǵa berilse, Kereit, Maitóbe jáne Alǵabas aýyldarynda jabyq fýtbol alańshalarynyń qurylysy júrgizilýde.
