2025 jylǵa deiin Túrkistan oblysynyń 85,4%-y kógildir otynmen qamtamasyz etiledi, dep habarlaidy "Ult aqparat".
Ulttyq ekonomika ministri Áset Erǵaliev Úkimet otyrysynda osyndai málimet berdi.
«Qalalar men aýyldarda sýmen jabdyqtaý jáne sý burý júielerin rekonstrýktsiialaý júzege asyrylady. Sondai-aq gazben jabdyqtaý, elektr jelilerin jańǵyrtý jáne salý jónindegi jumystar júrgiziledi. Nátijesinde halyqtyń 100%-y sýmen, 85,4%-y gazben qamtamasyz etiledi, elektr jelileriniń tozýy 49,6%-dan 46,4%-ǵa deiin tómendeidi», - dedi ministr.
Vedomstvo basshysy oblys aýmaǵynda 4,9 mln sharshy metr turǵyn úi, onyń ishinde 1,4 mln sharshy metr kredittik jáne jalǵa beriletin turǵyn úi salyp, qoldanysqa berý josparlanǵanyn aitty.
«Shymkent qalasynyń ońtústik-batys ainalma joly, Saryaǵash qalasynyń ainalma joly, Túrkistan qalasynyń shyǵys ainalma joly, sondai-aq Túrkistan-Shymkent-Tashkent júrdek temirjol magistrali salynady. Jalpy keshendi jospar sheńberinde, respýblikalyq jáne jergilikti mańyzy bar 2,3 myń km joldy jóndeý jáne qaita jańǵyrtýmen qamtý usynylady. Bul 2025 jylǵa qarai jergilikti mańyzy bar joldardyń úlesin 99,5%-ǵa deiin jaqsy jáne qanaǵattanarlyq jaǵdaidaǵy jetkizýge múmkindik beredi», - dedi Áset Erǵaliev.
