2025 جىلعا دەيٸن تٷركٸستان وبلىسىنىڭ 85,4%-ى كٶگٸلدٸر وتىنمەن قامتاماسىز ەتٸلەدٸ, دەپ حابارلايدى "ۇلت اقپارات".
ۇلتتىق ەكونوميكا مينيسترٸ ەسەت ەرعاليەۆ ٷكٸمەت وتىرىسىندا وسىنداي مەلٸمەت بەردٸ.
«قالالار مەن اۋىلداردا سۋمەن جابدىقتاۋ جەنە سۋ بۇرۋ جٷيەلەرٸن رەكونسترۋكتسييالاۋ جٷزەگە اسىرىلادى. سونداي-اق گازبەن جابدىقتاۋ, ەلەكتر جەلٸلەرٸن جاڭعىرتۋ جەنە سالۋ جٶنٸندەگٸ جۇمىستار جٷرگٸزٸلەدٸ. نەتيجەسٸندە حالىقتىڭ 100%-ى سۋمەن, 85,4%-ى گازبەن قامتاماسىز ەتٸلەدٸ, ەلەكتر جەلٸلەرٸنٸڭ توزۋى 49,6%-دان 46,4%-عا دەيٸن تٶمەندەيدٸ», - دەدٸ مينيستر.
ۆەدومستۆو باسشىسى وبلىس اۋماعىندا 4,9 ملن شارشى مەتر تۇرعىن ٷي, ونىڭ ٸشٸندە 1,4 ملن شارشى مەتر كرەديتتٸك جەنە جالعا بەرٸلەتٸن تۇرعىن ٷي سالىپ, قولدانىسقا بەرۋ جوسپارلانعانىن ايتتى.
«شىمكەنت قالاسىنىڭ وڭتٷستٸك-باتىس اينالما جولى, سارىاعاش قالاسىنىڭ اينالما جولى, تٷركٸستان قالاسىنىڭ شىعىس اينالما جولى, سونداي-اق تٷركٸستان-شىمكەنت-تاشكەنت جٷردەك تەمٸرجول ماگيسترالٸ سالىنادى. جالپى كەشەندٸ جوسپار شەڭبەرٸندە, رەسپۋبليكالىق جەنە جەرگٸلٸكتٸ ماڭىزى بار 2,3 مىڭ كم جولدى جٶندەۋ جەنە قايتا جاڭعىرتۋمەن قامتۋ ۇسىنىلادى. بۇل 2025 جىلعا قاراي جەرگٸلٸكتٸ ماڭىزى بار جولداردىڭ ٷلەسٸن 99,5%-عا دەيٸن جاقسى جەنە قاناعاتتانارلىق جاعدايداعى جەتكٸزۋگە مٷمكٸندٸك بەرەدٸ», - دەدٸ ەسەت ەرعاليەۆ.
