Foto: okg.kz
El Prezidenti Qasym-Jomart Toqaev erekshe jandarǵa qamqorlyq jasaýdy áleýmettik saladaǵy basty mindetterdiń biri retinde únemi aityp keledi. Mundai sanattaǵy azamattarǵa qolaily orta qalyptastyrý el kólemindegi áleýmettik saiasattyń negizgi baǵyty.
Jýyrda Túrkistan qalasy «Áleýmettik qyzmet kórsetý ortalyǵynda» qala ákimi Ázimbek Pazylbekulynyń qatysýymen «Túrkistan – sheksiz múmkindikter qalasy» degen taqyrypta kezdesý ótti.
– Memleket basshysy halyqqa arnaǵan Joldaýynda: «Biz erekshe qajettilikteri bar adamdar úshin birdei múmkindik jasaýǵa mindettimiz» degen bolatyn.Osyǵan deiin múmkindigi shekteýli azamattardy qoldaý maqsatynda ákimdik janynan «Áleýmettik qyzmet kórsetý ortalyǵy» ashylyp, búginde «Bekzat» móltek aýdanyndaǵy filialymen tolyqty. Qazirgi tańda, osy ortalyqta azamattardyń bos ýaqytyn tiimdi paidalaný, jumyspen qamtý, memlekettik grant, biliktiligin arttyrý sharalary qarqyndy júrgizilýde. Búgin men sizdermen kezdesip, ózderińizdiń muń-muqtajdyqtaryńyz ben tilekterińizdi tyńdaýǵa arnaiy kelip otyrmyn. Biz sizderdi qoldap-qýattaýǵa árqashan da daiynbyz, dedi qala ákimi.
Qala ákimimen kezdesýge «Shapaǵat» múmkindigi sheksiz azamattar qaýymdastyǵynyń tóraǵasy – Erkinbai Shaltan, «Qazaq soqyrlar qoǵamy» qoǵamdyq birlestigi Túrkistan oblystyq filialynyń tóraiymy – Áitek Záýre, «Týa bitken sańyraý mylqaý qoǵamy» qaýymdastyǵynyń ókili – Býnied Ǵýlamov, sonymen qatar birqatar «Teń qoǵam» ortalyǵynyń qyzmet alýshylary qatysty.
Jiynda «Shapaǵat» múmkindigi sheksiz azamattar qaýymdastyǵynyń tóraǵasy Erkinbai Kerimbaiuly «Ǵizat motivatsiia» ortalyǵy, saýyqtyrý qyzmetteri týraly aita kelip, sheshimin tappaǵan túitkildi máselege toqtaldy. «Búginde múmkindigi shekteýli azamattarǵa arnalǵan monsha qurylysy bitpei tur. (Ol monsha kádimgi monshalardan bólekteý). Bul ózi elimizde joq joba. Bul jobany oratalyǵymyzdyń dárigeri Ǵizat myrza Reseiden kórip, joba syzbasyn alyp kelgen bolatyn. Alaida ol kisi ómirden ótip ketti. Biz ony ármen qarai jalǵastyryp qurylysty bastap edik, alaida qarjy bolmai toqtap qaldy. Monsha bitse, erekshe qajettiligi bar jandar eshkimniń kómeginsiz ózderi jýynyp shyǵatyn edi. Endigi kezekte ózińiz osy qurylysty bitirýge yqpal jasasańyz» degen tilegin jetkizdi. Qala basshysy múmkindiginshe demeýshiler tartyp qurylysty aiaqtaýǵa ýáde berdi. Erkinbai Kerimbaiuly aitqan ekinshi másele qalada salynyp jatqan jańa úilerdegi pandýstarǵa qatysty boldy. «Barlyq úilerde pandýs bar, biraq eshbiri de talapqa sai emes. Pandýstardyń kóbi geometriialyq turǵydan standartqa sai jasalmaǵan. (Kólbeý buryshy 6 gradýstan aspaýy tiis). Edeni taiǵanamaityn materialdan bolýy kerek. Bizdegi tip-tik pandýsqa qolarbany shyǵarý múmkin emes, aqyrynda kóterip shyǵarýǵa májbúr bolady. Dárihanalardyń birqataryndaǵy pandýstarda qolarbanyń kólemi(eni) esepke alynbaǵan. Arbamen syimai. dárimizdi ala almai syrtta turyp alǵyzýǵa, kisi jumsaýǵa májbúrmiz. «Pandýs bar ma, bar» degen qaǵidatpen jumys júrgen sekildi. Sol sebepti qurylys jumystary monitoringtik tobyna (komissiiaǵa) bizdi múshe etip sailasańyzdar. Úi qurylysy jobasy maquldanǵan kezden, qurylys bastalmai turyp biz oiymyzdy, jón-jobasyn aitar edik. Al, qazir qalai bolyp júr? Kóbine úi qurylysy bitken kezde shaqyrady, ol kezde kesh bolady» dedi ol. Ákimniń aitýynsha, áleýmettik qamsyzdandyrý bólimimen aqyldasyp, jobany bekitý kerek eken. Qala basshysy aldaǵy kezde qurylys salasyna monitorigtik baqylaý jumystaryn kúsheitetinin aityp, budan bylai komissiia qataryna ózderińizdi de mindetti túrde qatystyramyz dep jaýap berdi.
Qoǵam belsendisi, I top múgedegtigi bar azamat Muhametáli óz sózinde Túrkistanda zaǵip jandarǵa arnalǵan «Sheldon» sporty boiynsha federatsiia filialy ashylǵanyn, onyń jumysyn jandandyrýdy usyndy. Ol úshin kásibi alańsha kerek, soǵan qoldaý bildirseńizder degen ótinishin bildirdi. Al, Erkebulan esimdi jigit óziniń 4 jyldan beri kásippen ainalysyp júrgenin aitty. Kompiýterlik qyzmet ortalyǵyn ashqan eken. Onyń bul qyzmetine kóńili tolyp, qyzyqqan, ózi sekildi jigitterdiń analary kelip: «meniń balam da arbada otyrady, qoǵamnan tys qalyp barady, úiretesiz be» dep ótinish aitqan. Sol jigitterdi tartyp búginde ortalyqta 5 azamat (olar da múmkindigi shekteýli jandar) jumys isteitinin aitty. «Sonymen biz qazir bir jaǵynan kompiýterlik qyzmet kórsetý, ekinshiden ózimiz sekildi arbaǵa tańylǵan jastardy kýrsqa tartyp, oqytyp, jumysqa aralasýyna tyrysyp jatyrmyz. Jaqynda jańa qaladan bir ǵimaratty jalǵa aldyq. Ǵimaratty jaldaý ońai emes, ózderińiz de bilesizder. Muhametáli ekeýmiz jan-jaqty izdenip júrip jaqynda «áleýmettik kásipker» mártebesin aldyq. Mártebe erejesimen tanysqanda ǵimarat ákimdik tarapynan berilse jaldaý aqysy tegin bolady delingen edi. Bizdiń kýrstarymyzdy toqtatpastan, ári qarai damytý úshin ǵimarat jaǵynan járdem berseńiz. Jalpy, jyl saiyn Memleket basshysy Joldaýlarynda múmkindigi shekteýli azamattarǵa qoǵamnyń teń múshesi retinde qarap, meilinshe eńbekke aralastyrýdy tapsyrady. Alaida, kóptegen jumys berýshiler yqylastylyq tanyta bermeidi. Biz sekildi jigitter jigerli, jumysyna óte uqyptylyqpen qaraidy. Osy jaǵy da eskerilse eken tilegin aitty. Al, Záýre Ábdirazaqqyzy óz sózinde kóptegen mekemelerde zaǵip jandarǵa arnalǵan taktildi aiaq joldar joq, bul bizge qiyndyq týdyrady. Kóshelerde dybysty (sóileitin) baǵdarshamdar ornalastyrylsa. Úshinshi tilegimiz, oblysta 1500-dei zaǵip(onyń ishinde Túrkistanda 200) jandar bar. Meditsina kolledjiniń ishinen zaǵiptarǵa arnalǵan kýrstar ashylsa. Máselen, massajist kýrsyn ashýǵa bolady. Sebebi, kózi kórmei qalǵan adamnyń bar qabileti qolyna(saýsaqtaryna) beriledi eken. Kózi kóretin massaj jasaýshydan zaǵip massajshynyń jasaǵany eki ese tiimdi bolatyny ǵylymi dáleldengen. Sondyqtan, zaǵip jandardan meditsinalyq kásibi bilimi bar mamandar daiarlasa olar suranysqa ie bolar edi. Zaǵip jandardyń arasynda da óte talantty jandar kóp. Aldaǵy ýaqytta zaǵiptar klýby qurylsa, dybys jazý stýdiiasy ashylsa degen arzý-armandaryn aitty.
Qala basshysy barlyǵyn muqiiat tyńdap, qoiyn dápterine jazyp alyp, múmkindiginshe qol ushyn berip, qarastyratynyn, qoldan kelgeninshe sheshýge tyrysatynyn aityp jyl qoshtasty. Jiynnan keiin qala ákimi kezdesýdi uiymdastyryp otyrǵan «Áleýmettik qyzmet kórsetý ortalyǵy» KMM jumysymen tanysty.
Átirgúl TÁShIM,
«Ońtústik Qazaqstan».
