Foto: Gov.kz
Memleket basshysy Qasym-Jomart Toqaev Qazaqstan halqyna arnalǵan Joldaýynda Úkimetke aýyl sharýashylyǵynda sý únemdeitin tehnologiiany kóptep engizý, sýdy únemdep paidalaný mádenietin qalyptastyrý jáne egis alqaptarynda sýdy kóp qajet etetin daqyldardy azaityp, meilinshe qurǵaqshylyqqa tózimdi daqyldardy kóbeitý jóninde mindetterdi júktep otyr, dep habarlaidy «Ult aqparat».
Bul baǵytta Túrkistan oblysy, Shardara aýdany, Jaýshyqum aýylyna qarasty «Iirjar Agro» JShS Túrkiianyń tehnologiiasymen jáne sý únemdeý ádisin paidalana otyryp, 525 gektarǵa kúnbaǵys (piste) daqylyn egip, búgingi tańǵa 370 gektarynda jiyn-terim jumystary júrgizilýde. Kúnbaǵys daqylynyń ár gektarynan ortasha túsimdilik 20 - 21 tsentnerdi quraidy.
Qazirgi tańda seriktestik 11 adamdy turaqty, 25 adamdy maýsymdyq jumyspen qamtamasyz etýde. «Iirjar Agro» JShS kúnbaǵys ónimin QHR, Túrkiia, Ázerbaijan elderi men ishki naryqqa ótkizýdi josparlap otyr. Sonymen birge aldaǵy ýaqytta memlekettiń qoldaýy aiasynda ósimdik maiyn óndirý zaýytyn ashýǵa nietti.
