Foto: Túrkistan oblysy ákiminiń baspasóz qyzmeti
Túrkistan oblysy, Shardara aýdanyndaǵy «Shardara» indýstrialdy aimaǵynda júgeri daqylyn tereń óńdeý zaýytynyń qurylysy qarqyndy júrgizilip jatyr, dep habarlaidy «Ult aqparat».
Shardara aýdanyna jumys saparymen barǵan oblys ákiminiń orynbasary Nurbol Turashbekov «Shardara» indýstrialdy aimaǵynda bolyp, júgeri daqylyn tereń óńdeý zaýytynyń qurylys barysymen tanysty. 35 gektarǵa ornalasatyn óndiristiń I kezeńinde «Kazkrahmal» JShS dándi keptirý jáne saqtaý kesheniniń qabyrǵasyn qalap, iske qosqan. Qazirgi tańda II kezeńniń josparyna sáikes, zaýyt ǵimaratynyń qurylysy júrgizilýde. 500 adamdy turaqty jumyspen qamtityn óndiris kesheni 2025 jyly aiaqtalyp, paidalanýǵa beriledi dep kútilýde.
Oblys ákiminiń orynbasarynyń issapary balyq ósirýmen ainalysatyn «Hamit» sharýashylyǵynyń toǵanynda jalǵasty. Nurbol Turashbekov sharýalarmen kezdesip, ózekti máselelerdi saralady. Sharýalardyń sý tutynýyna qatysty týyndaǵan suraqtaryna jaýap berip, máseleni sheshý úshin zań aiasynda tiisti jumystar atqarylatynyn jetkizdi.
Túrkistan oblysy ákimi Darhan Satybaldynyń maqta sharýashylyǵyn damytý, maqta talshyǵynyń sapasyn arttyrý, jańa innovatsiialyq ádisterdi paidalanýdy tapsyrǵan bolatyn. Tapsyrmalardyń oryndalý barysyn baqylaý maqsatynda oblys ákiminiń orynbasary «Shardara maqta» JShS-nyń maqta qabyldaý beketinde bolyp, diqandarmen kezdesti. Kásip ielerine maqtany qabyldaý kezinde sapasyna asa mán berýdi, suryptaýdan ótkizýdi tapsyryp, maqta baǵasy onyń sapasyna da qatysty ekenin aityp ótti. Munda 10 adam jumys isteidi. Maqta qabyldaý pýnkti ótken jyly maqtanyń jiyn-terim naýqanynda 3 myń tonna kóleminde maqta qabyldaǵan. Biyl 2 myń tonna maqta qabyldaý josparlanyp otyr. Maqta ólsheý tarazysy arnaiy mekememen akkredittelip, tekserýden ótken.
