Foto: Gov.kz.
Búgin oblys ákiminiń orynbasary Nurbol Turashbekov Sairam aýdanyna baryp, birqatar nysandardy aralady. Aýdan ákimi Arman Sábitov oblys ákiminiń tapsyrmasyna sáikes agroaimaqqa bólingen 90 ga boiynsha atqarylatyn jumys josparyn usynyp, jobalardy tanystyrdy, dep habarlaidy «Ult aqparat».
Aralaý barysynda oblys ákiminiń orynbasary «Gen Group Kazakhstan» JShS jylyjai keshenin keńeitý baǵytynda atqarylǵan tirliktermen de tanysty. Banan ósirýdi jolǵa qoiǵan seriktestik qosymsha 6 gektarǵa jylyjai salyp, qyzanaq jáne qulpynai ósirýdi qolǵa almaq.
«Joba tolyq iske asqan jaǵdaida jylyna 3 myń tonnadan astam qyzanaq, 130 tonnadan astam qulpynai jinalady deidi JShS basshysy», Timýr Ýteshev.
«Korkem» saýda belgisimen tanymal «Naýryz-5» JShS kásipornyn aralaý barysynda seriktestik basshysy Djýrat Igambekov jemis qabyldaý, kókónisterdi óńdeý, qalbyrlaý jáne naryqqa shyǵarý barysynda kezdesetin ózekti máselelerdi jetkizdi.
«Kaz Eco Meat» JShS iri qara mal bordaqylaý jáne mal soiý kesheniniń qurylysyn 2025 jyly aiaqtaýdy josparlap otyr. Qazirgi tańda Belarýs, Qytai jáne Túrkiia elderinen arnaiy qondyrǵylar satyp alynǵan. Al «Nurym Group» jaýapkershiligi shekteýli seriktestigi qurama jem óndiretin zaýytty jyl sońyna deiin iske qospaq.
Nurbol Turashbekov kásipkerlerge máseleleri men usynystarynyń zań aiasynda zerdelenetinin atap ótti. Ákimdik tarapynan atqarylatyn jumystar kezeńimen júzege asatynyn aityp, jaýaptylarǵa naqty tapsyrmalar júktedi.
