Foto: Gov.kz.
Saýran aýdanynda shaǵyn kásiporyndar sany artyp keledi. Ol úshin jergilikti ákimdik tarapynan kásipkerlerge qoldaý kórsetilip jatyr. Ónerkásiptik aimaqtardy salý jáne damytý baǵytynda basymdyq berilýde, dep habarlaidy «Ult aqparat».
Aýdanda 2024-2026 jyldar aralyǵynda óndiristik aimaqtar qurylmaq. Naqtyraq aitqanda, I kezeńde Shaǵa, Qarashyq, Iassy, Shornaq jáne Úshqaiyq aýyl okrýgterinen, II kezeńde 2026 jyldan bastap qalǵan 7 aýyl okrýginde óndiristik alańdar salý jumystary qolǵa alyndy.
Qazirgi ýaqytta Shaǵa aýyldyq okrýginde ornalasqan «Óndiristik park» jobasynyń qurylysy qarqyndy júrgizilýde. 30 gektar jerge 29 jobany iske asyrý josparlanǵan. Búginde park aýmaǵynda 10 braýnfildtiń qurylysy aiaqtaldy. Indýstrialdy aimaq qurý úshin qosymsha 70 gektar jer bólinip, qajetti infraqurylymmen qamtamasyz etý boiynsha qujattandyrý jumystary júrgizilýde.
Sonymen qatar, Qarashyq aýylynan shaǵyn óndiristik alańyn qurý úshin 10 gektar jer bólinip, 21 kásipkermen memorandým túzildi. Atap aitqanda, jihaz jasaityn 9 tseh, qurylysqa qajetti materialdar óndiretin 10 tseh, 1 tigin tsehy jáne 1 qolóner buiymdaryn óndiretin tseh ashylmaq. Qazirgi ýaqytta kásipkerler tseh qurylystaryn bastap ketti. Óndiris alańyna qajetti elektr jelisi tartylyp, jolǵa tas tóseý jumystary júrgizildi.
Eńbekshi Dihan aýylynan «Iassy» óndiristik alańyna 9 gektar jer ýchaskesi bólinip, 18 jobany iske asyrý josparlanýda. Búgingi tańda 9 kásipkermen memorandým túzilip, 2 kásipker qurylys jumystaryn bastady. Munda jihaz jasaityn, qurylysqa jáne tamaq ónimderine qajetti materialdar óndiretin tsehtar ashylady.
Odan bólek, Shornaq aýylynan 8 gektar jerge óndiristik alań qurylyp, 1 gektar aýmaqqa jihaz jasaý tsehynyń qurylysy bastaldy. Bul aimaqta 10 braýnfild salynady. Jobany júzege asyrý 2024-2030 jyldar aralyǵyna josparlanǵan.
Aýdandaǵy Teke aýylynan «Úshqaiyq» óndiristik alańy jobasynyń qurylysyn júrgizýge 18 gektar jer bólindi. Munda 2025-2030 jyldar aralyǵynda 37 jobany iske asyrý josparlanýda. Qazirgi tańda óndiris alańynda qurylysqa qajetti materialdar óndiretin, sút óńdeitin jáne tigin tsehtaryn salý úshin memorandým túzildi. Óndiristik alańyna basqa da jobalardy ornalastyrý úshin investorlarmen kelissózder júrgizý jumystary jalǵasady.
