Foto: Túrkistan oblysy ákiminiń baspasóz qyzmeti
Túrkistan oblysynda barlyq aýdan, qalanyń áleýmettik-ekonomikalyq damýy jóninde jospar jasalyp, ol oblys ákimi men basqarma basshylarynyń aldynda arnaiy talqylaýdan ótip, bekitiledi, dep habarlaidy «Ult aqparat».
Kestege sáikes búgin Saýran aýdanynyń áleýmettik-ekonomikalyq damýy jónindegi jospar tanystyryldy. Oblys ákimi Darhan Satybaldy jospardyń keibir jetildiretin tustaryna toqtalyp, aýdan ákimine jumysty júieleýdi tapsyrdy.
– Saýran aýdanynyń áleýeti óte joǵary. Oblys ákimdiginiń uiymdastyrýymen boi kótergen óndirstik parktiń múmkindigin tolyq paidalanyp, indikatorǵa engizgen jón. Bizge ózindik kiris kózderin molaityp, jumys oryndaryn kóbeitpesek bolmaidy. Saýran aýdanyn damytýda aýyl sharýashylyǵy, týrizm baǵyttaryn da qaita pysyqtap, jumysty jandandyryńyzdar. Barlyq aýdan, qala ákiminiń jospary tyńdalady, – dedi Darhan Satybaldy.
Saýran aýdanynyń ákimi Maqsat Tańǵatarovtyń aitýynsha, aýdannyń damý josparynda aýyl sharýashylyǵy, ónerkásip jáne týrizm basym baǵytqa ie. Aýdanda jihaz ónerkásibi, qurylys materialdaryn óndirý isi jaqsy damyǵan. 2030 jylǵa deiin quny 174,6 mlrd. teńgeni quraityn 151 jobany iske asyrý josparlanýda. Aýyl sharýashylyǵy boiynsha 52 joba (joba quny – 107 mlrd. teńge, 390 jumys orny), ónerkásip salasynda 85 joba (joba quny 53,1 mlrd. teńge, 2 427 jumys orny), týrizm salasynda 14 joba (joba quny 14,5 mlrd. teńge, 250 jumys orny) júzege asady. Jalpy 3 067 jańa jumys orny ashylady. Nátijesinde jalpy óńirlik ónim kólemi 321,5 mlrd. teńgege jetip, 2,4 ese artady dep kútilip otyr. Sonymen birge óndiristik aimaqtardy keńeitý, toqyma ónerkásibi, jihaz jasaý, plastmassa ónimderin óndirý jobalary júzege asady. Sý únemdeý tehnologiialaryna 17,6 mlrd. teńge investitsiia tartylady. 14 jobany júzege asyrý kózdelgen. Mal, qus, balyq, egin jáne maqta sharýashylyǵy da dami túsedi.
Týrizm salasynda 14 joba engizilse, onyń 4-eýi biyl ashylmaq. Emdik-saýyqtyrý jáne demalys aimaqtary salynady. Aýdandaǵy tarihi oryndardyń týristik áleýetin kóterý baǵytynda da jumystar júrgizilmek.
