Foto: Gov.kz
Saryaǵash aýdanynda júzim sharýashylyǵyn damytý boiynsha seminar-keńes ótti. Oǵan aýdan ákimi Arman Abdýllaev arnaiy qatysyp, sharýalarmen pikir almasty, dep habarlaidy «Ult aqparat».
Seminar barysynda aýdan ákimi júzim sharýashylyǵynyń mańyzdylyǵyna toqtalyp ótti.
-Keńes dáýirinde aýdanymyzda júzim sharýashylyǵy qarqyndy damyp, sharap zaýyttarynyń jumysynyń nátijesinde ekonomikaǵa aitarlyq serpin berilip kelgen. Búgingi tańda aýdanda 627,9 ga jerde júzim ósirilýde. Onyń 379,0 ga «Silk Alley» Vinnyi zavod» JShS qarasty sharap zaýytyna, al 248,9 ga aýdanymyzdaǵy usaq sharýashylyqtarǵa tiesili. Shikizattyń bolmaýyna bailanysty Jibek joly aýylynda ornalasqan «Jetisý» JShS qarasty iri sharap zaýyty búgingi tańda jumysyn toqtatyp óz kezeginde aýdanymyzdyń áleýmettik – ekonomikalyq jaǵdaiyna keri áserin tigizip otyr. Aýdanymyzdyń topyraǵy men aýa-raiy jemis-jidek pen júzimnen mol ónim alýǵa qolaily. Joǵary agrotehnikalyq sharalardy qoldaný nátijesinde sapasy dúniejúzilik standarttarǵa sáikes keletin ónim óndirýge bolady.Qazirgi ýaqytta, aýdanymyzda aǵyn sý jetispeýine bailanysty igerilmei jatqan jerlerde tamshylatyp sýǵarý ádisin paidalana otyryp júzim sharýashylyǵyn júrgizýge múmkindik mol,- dedi Arman Abdýllaev.
Sonymen qatar aýdan basshysy dala seminary barysynda qatysýshylarmen oblys ákiminiń bastamasymen oblys aýmaǵynda júzim sharýashylyǵyn damytý baǵytynda aǵymdaǵy jyldyń 7-8 qyrkúiek kúnderi oblys delegatsiiasynyń Ózbekstan Respýblikasy, Fergana oblysyna arnaiy baryp, júzim sharýashylyǵyn damytý boiynsha atqarylyp jatqan jumystary boiynsha tájiribe almasqanyn jetkizdi. Arman Abdýllaev Memleket basshysynyń bastamasymen elimizde «Aýyl amanaty» jobasy arqyly Derbisek, Qablanbek, Tegisshil aýyldyq okrýgterinde júzim sharýashylyǵymen ainalysýǵa nietti azamattardy 2,5 % nesiemen qamtýǵa bolatyndyǵyn atap ótti.
Atalǵan keńes otyrysyna birqatar sharýalar men kásipkerler qatysty. Seminar barysynda ár sharýa óz tájiribesimen bólisip, oilaryn ortaǵa saldy. Búginde «Suńqar» JShS-ne qarasty sharap zaýyty, aýdanda júzimniń bolmaýyna bailanysty tolyq qýattylyǵyn paidalana almai otyr. Osyǵan bailanysty Otyrar, Túlkibas, Tólebi, Jetisai aýdandarynan júzim tasymaldanýda. «Suńqar»JShS sharap zaýytynyń quryltaishysy D.Isabaev «Suńqar»JShS sharap zaýytynyń basshysy N. Áliqul sharýalardyń ónimin alýǵa daiyn ekenin jetkizdi.
