Foto: Gov.kz.
Túrkistan oblysynda óndiris oryndaryn ashý, investitsiia tartýǵa basymdyq berilgen. Oblys ákimdiginiń qoldaýymen aýdan, qala ákimderi men kásipkerler kórshiles elderdiń kásiporyndaryn aralap, investorlarmen kelissózder júrgizip, ol kezdesýler jemisin berýde, dep habarlaidy «Ult aqparat».
Ordabasy aýdanynda boi kóteretin zaýytta Qytai eliniń tájiribesi men joǵary tehnologiiasy qoldanylady. Oblys ákimi jobany ýaqtyly júzege asyrý kerektigin aitty.
– Sheteldiń ozyq tehnologiialaryn meńgerip, batyl sheshimder qabyldaý kerek. Bul zaýyttyń josparlanǵan merzimde ashylýy qadaǵalanady. Jumys isteimin, halyqty jumyspen qamtimyn deitin investorlar men kásipkerlerimizge qoldaý kórsetiledi, – degen Darhan Satybaldy jańa zaýyttyń ýaqyt kapsýlasyn salý rásimine qatysty.
«Altyn land» JShS-niń direktory Bereke Dúisebekov jobaǵa qoldaý kórsetken oblys, aýdan basshylyǵyna alǵysyn bildirdi. Onyń aitýynsha, qysh zaýytynda zamanaýi tehnologiialr qoldanylady. Jobanyń jalpy quny – 5 mlrd. teńge, kásipkerdiń jeke qarjysy jáne nesie arqyly júzege asyrylady. Atalǵan zaýytta jylyna 90 mln. dana kirpish, kúnine 250 myń dana kirpish shyǵarylady dep josparlanyp otyr. Osy arqyly jergilikti naryqta importty azaityp, otandyq ónim kólemin arttyrý kózdelgen. Qazaqstanda teńdesi joq zaýytta jergilikti 70 turǵyn jumyspen qamtylady. Búginde jobanyń JSQ-sy ázirlenýde, QHR-dan qural-jabdyqty jetkizý týraly kelisimshartqa qol qoiylyp, jer tegisteý, irgetasyn quiý jumystary júrip jatyr.
