Foto: Gov.kz
Túrkistan oblysynyń týrizm baǵytyndaǵy invest-jobalar quny 2024 jyldyń 7 ai qorytyndysy boiynsha 43,6 mlrd. teńgeni qurady, dep habarlaidy «Ult aqparat».
Tamaqtaný jáne oiyn-saýyq OKED-teri boiynsha 2023 jylǵy invest-jobalardyń jalpy quny 53,5 mlrd. teńgeni quraǵan bolsa, 2024 jyldyń 7 aiynda 43,6 mlrd. teńge qarjyǵa jetip otyr. Nátijesinde, Túrkistan oblysy týrizm salasyndaǵy negizgi kapitalǵa investitsiia salǵan TOP-5 óńirdiń ishinde Astana jáne Almaty qalalarynan keiin 3-orynda tur.
Jalpy, 2024-2025 jyldarǵa jalpy quny 49,3 mlrd. teńgege 47 invest joba júzege asýda. Olardyń ishinde: qonaq úiler, demalys oryndary, akvaparkimen qosa 5 juldyzdy qonaq úi jáne apartamentter bar. Týristerge jaily jáne qolaily jaǵdai jasaý maqsatynda salynyp jatqan jobalardyń sapaly ári ýaqytyly oryndalýy – erekshe nazarǵa alynǵan.
Týrizm salasyndaǵy negizgi kapitalǵa salǵan investitsiia kóleminiń jyl saiyn artqandyǵy baiqalady. Investorlardyń týrizm salasyna bólip jatqan qyzyǵýshylyǵy – óńirdiń týristik tartymdylyǵyn arttyrýǵa múmkindik berýde.
