22 jastaǵy Túrkistan oblysy Ordabasy aýdanynyń týmasy gúldermen ádemi storiz túsiremin dep, úlken aiyppul arqalap qaitty.
Túrkistan oblysy Politsiia departamentiniń baspasóz qyzmeti áleýmettik jelilerdi baqylaý nátijesinde politsiia Qyzyl kitapqa engizilgen jáne zańmen qorǵalatyn Greig qyzǵaldaqtaryn julyp alǵan stýdentti anyqtaǵanyn aitty.
"Tekserý kezinde joiylyp ketý qaýpi tóngen “Greig” qyzǵaldaqtaryn Ordabasy aýdanynyń 22 jastaǵy turǵyny julǵany anyqtaldy. Ol Uialyjar aýyldyq okrýgindegi alqapta Qyzyl kitapqa engen gúlderdi julyp, beinejazba túsirip, óz paraqshasynda jariialaǵan. Sirek kezdesetin jáne joiylyp ketý qaýpi tóngen ósimdik túrlerimen zańsyz ainalysý faktisi politsiia bóliminde tirkeldi. Barlyq jaǵdailar anyqtalýda" delingen politsiia málimetinde.
Zańǵa sáikes, Qyzyl kitap ósimdikterine zalal keltirgeni úshin aiyppul túrinde ákimshilik jaýapkershilik qarastyrylǵan, onyń somasy 11 mln teńgege jetýi múmkin.
